کراؤن موٹر کمپنی اپنی 150cc موٹر سائیکل لانچ کرنے کے لیے تیار
پاکستان میں موٹر سائیکلیں اور پرزے بنانے والے مقامی اداروں میں سے ایک کراؤن موٹر کمپنی اب پاکستان میں اپنی 150cc کی موٹر سائیکل کراؤن (فائٹر) فِٹ 150cc جلد لانچ کرنے کے لیے تیار ہے۔
کمپنی نے اپنے آفیشل فیس بک پیج پر نئی موٹر سائیکل کی ایک جھلک دکھائی ہے تاکہ اس کے اجراء سے پہلے کچھ ہلچل پیدا کی جائے۔ تفصیلات کے مطابق موٹر سائیکل سنگل سلینڈر فور-اسٹروک انجن سے لیس ہے۔ اس میں ڈجیٹل اسپیڈومیٹر اور فیول گیج بھی موجود ہے۔
اگلے حصے میں ڈسک بریک اور ڈبل پمپ ریئر شاکس ہیں۔ موٹر سائیکل کی قیمت اور اجراء کی تاریخ ابھی کمپنی نے ظاہر نہیں کی۔ موٹر سائیکل کا ٹیزر ذیل میں دیکھیں:
کراؤن موٹر نے چند روز قبل ہی اپنی موٹر سائیکلوں کی قیمتیں بڑھائی ہیں۔ نئے ریٹ کچھ یوں ہیں:
|
نئی قیمت |
پرانی قیمت |
فرق |
|
| کراؤن CR 125 | 77,000 | 73,200 | 3,800 |
| کراؤن CR 70 HD پلس | 52,000 | 47,500 | 4,500 |
| کراؤن CR 70 جذبہ پلس | 48,000 | 44,000 | 4,000 |
| کراؤن CR 70 سیلف اسٹارٹ | 56,000 | 54,500 | 1,500 |
| کراؤن CR 100 ایکسیلینس | 52,500 | 51,800 | 700 |
واضح رہے کہ آپ CR 100 اور CR 70 سیلف-اسٹارٹ الائے رمز کے ساتھ بالترتیب صرف 58,000 اور 60,000 روپے میں خرید سکتے ہیں۔ کمپنی سالانہ 11,000 موٹر سائیکلیں بناتی ہیں اور 150cc موٹر سائیکل متعارف کروا کر مارکیٹ میں بڑا حصہ حاصل کرنا چاہتی ہے اور ملک میں 150cc کے سیگمنٹ کو مزید تنوّع لائے گی۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
