پاکستان میں پیش کردہ 2019ء ہیونڈائی سانتا فی کا مختصر جائزہ
اپنے قارئین کے لیے نیا اور خاص مواد پیش کرنے کی روایت کو برقرار رکھتے ہوئے PakWheels.com ایک مرتبہ پھر پاکستان میں پیش کردہ نئی SUV، سانتا فی، کا جائزہ پیش کر رہا ہے۔
ہیونڈائی-نشاط موٹرز نے امپوریم مال، لاہور میں سات نشستوں کی SUV متعارف کروائی۔ واضح رہے کہ سانتا فی 2.4 MPI ایٹکنسن سائیکل، گیسولین انجن کے ساتھ پاکستان میں پیش کی گئی ہے جو 6-اسپیڈ آٹومیٹک ٹرانسمیشن مع پیڈل شفٹرز سے لیس ہے اور 6,000 rpm پر 170 hp اور 4,000 rpm پر 225 Nm ٹارک پیدا کرتا ہے۔
گاڑی کا ایکسٹیریئر متاثر کن ہے۔ آگے LED لائٹیں اور سینون لیمپس ہیں جو سانتافی میں لگے ہوئے آتے ہیں۔ گاڑی کا رنگ، جو ڈسپلے پر پیش کیا گیا، بہت انوکھا ہے – جو ہیونڈائی سانتا فی کا خاص رنگ ہے۔ گاڑی کی سائیڈ پروفائل بھی دیکھنے میں زبردست ہے۔
سانتافی کی تفصیلات و خصوصیات یہاں دیکھیں
اس گاڑی میں امپورٹڈ ٹائرز لگے ہوئے ہیں، کیونکہ یہ ایک CBU ہے۔ گاڑی کا سائز سوزوکی وِٹارا اور کِیا اسپورٹیج سے بڑا ہے اور اس کا پچھلا حصہ پریمیم کلاس ہے۔ SUV میں ڈفیوزر بمپر بھی شامل ہیں۔ ایکسٹیریئر کی طرح گاڑی کا انٹیریئر بھی زبردست ہے۔ اس میں سر کے اوپر اور آگے ٹانگوں کے لیے کافی جگہ ہے۔ CBU ہونے کی وجہ سے بلڈ کوالٹی اور رنگ کا معیار بھی اعلیٰ ہے۔
گاڑی میں جگہ بڑھانے کے لیے آپ تیسری اور دوسری دونوں قطاروں کو تہہ (فولڈ) کر سکتے ہیں۔ گاڑی میں اسمارٹ اور کی لیس انٹری آپشن ہے، جو بہت زبردست ہے۔ SUV بہت عمدہ ڈجیٹل میٹر رکھتی ہے، مزید یہ کہ پیڈل شفٹرز، ٹریکشن کنٹرول، ڈف لاک وغیرہ سے لیس ہے۔ جہاں تک سیفٹی فیچرز کا تعلق ہے یہ گاڑی SRS ایئربیگز (ڈرائیور-پسنجر)، ABS، ESC، HAC، DBC، EPB، انجن موبلائزر، پارکنگ سنسرز وغیرہ سے لیس ہے۔
ہیونڈائی سانتافی میں 7 انچ کی TFT اسکرین، ریئر کیمرا اور تمام کنیکٹیوٹی آپشنز ہیں۔ مزید اہم یہ کہ گاڑی کی قیمت 16 ملین سے شروع ہوتی ہے اور جن فیچرز کا آپ انتخاب کریں گے ان کی بنیاد پر 18.5 ملین روپے تک جاتی ہے۔
اس کے بارے میں ایک مکمل وڈیو دیکھیں:
ہیونڈائی سانتا فی کے تفصیلی جائزے کے لیے PakWheels.com پر آتے رہیے۔
