ہونڈا اٹلس کارز (پاکستان) لمیٹڈ نے اپنا منافع ظاہر کردیا ہے جس کے مطابق منافع میں سال بہ سال کے لحاظ سے 15 فیصد کمی آئی ہے۔
تفصیلات کمپنی نے پاکستان اسٹاک ایکسچینج (PSX) کو ایک نوٹس بھیجاہے اور جس نے ظاہر کیا کہ مالی سال 2019ء کی چوتھی سہ ماہی میں اس نے 1.17 ارب روپے (منافع بعد از ٹیکس) حاصل کیا ہے جو گزشتہ سال کے اسی عرصے میں 1.37 ارب روپے تھا مزید یہ کہ مجموعی بنیادوں پر مالی سال 2019ء میں ہونڈا کی منافع حاصل کرنے کی صلاحیت میں سال بہ سال میں 41 فیصد کمی آئی ہے۔
اب آمدنی فی حصص (EPS) دیکھیں تو کمپنی نے مالی سال 2019ء کی چوتھی سہ ماہی میں 8.18 eps رپورٹ کیا ہے جس کے مقابلے میں گزشتہ سال کے اسی عرصے میں یہ 9.62 تھا۔ کمپنی کی خالص فروخت بھی سال بہ سال میں 6 فیصد کم ہوکر 24.16 ارب روپے ہوگئی ہے جو مجموعی فروخت میں 18 فیصد کمی ہے۔
آگے دیکھیں تو روپے کی قدر میں کمی اور سوِک کی کم فروخت کی وجہ سے گراس مارجن بھی بری طرح متاثر ہوئے۔ اندازہ لگا لیں کہ کمپنی نے اپریل 2019ء میں سوِک اور سٹی کے 2,310 یونٹس فروخت کیے جبکہ اپریل 2018ء میں اس نے 4,045 یونٹس بیچے تھے۔ یہ سال بہ سال میں فروخت میں آنے والی 43 فیصد کی بڑی کمی ہے۔
کم ہوتے گراس مارجنز کے علاوہ مالی سال 2019ء کی چوتھی سہ ماہی میں گراس منافع بھی سال بہ سال کے لحاظ سے 24 فیصد کم ہوا۔
مکمل رپورٹ نیچے دیکھیں:
مزید برآں، پاک سوزوکی موٹر کمپنی (PSMC) نے بھی سال 2019ء کی پہلی سہ ماہی کے دوران منافع میں 10 سال کا کم ترین ریکارڈ قائم کیا ہے۔ آٹو مینوفیکچرر کو 980 ملین روپے کا خسارہ ہوا ہے۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
