ہونڈا سوِک 2019ء فیس لفٹ پاکستان میں پیش
بالآخر تمام افواہیں دم توڑ گئیں اور ہونڈا اٹلس نے 9 اپریل 2019ء کو رائل پام، لاہور میں باضابطہ طور پر “نئی” سوِک کی رونمائی کردی۔
ہونڈا سوِک کا فیس لفٹ ماڈل پاکستان آنا ہی تھا۔ آٹو مینوفیکچرر نے “Better Buckle Up” کے نام سے سوشل میڈیا مہم چلا کے اس خبر کی مزید تصدیق کردی۔ ٹیزر وڈیو گزشتہ چند روز سوشل میڈیا پر وائرل رہی۔ ہونڈا اٹلس اس وقت پاکستان میں 10ویں جنریشن کی ہونڈا سوِک کی پیداوار کر رہا ہے جو جولائی 2016ء میں پیش کی گئی تھی۔ اپنے آغاز سے اب تک یہ آٹو مینوفیکچرر کے لیے ایک کامیاب داستان ہے کیونکہ اس نے 9ویں جنریشن کے ماڈل کی گرتی ہوئی فروخت کو سہارا دیا۔ 10ویں جنریشن ہونڈا سوِک اب تقریباً 3 سال پرانی ہے جو فیس لفٹ ماڈل پیش کرنے کی وجہ بنی، اس قدم کا شدّت سے انتظار کیا جا رہا تھا۔
ہونڈا سوِک مقامی مارکیٹ میں تین ویریئنٹس میں دستیاب ہے 1.8L i-VTEC CVT، 1.8L i-VTEC CVT Oriel اور 1.5L i-VTEC Turbo۔
آئیے آئندہ تبدیلیوں کے بارے میں بات کرتے ہیں:
ہونڈا سوِک 1.8L i-VTEC CVT:
ہونڈا سوِک کا بنیادی ماڈل 1.8L i-VTEC انجن سے لیس ہے جو CVT ٹرانسمیشن کے ساتھ ہے۔ فیس لفٹ ماڈل اس لگژری کار میں محض “کروز کنٹرول” کا اضافہ کرے گا کہ جو پہلے ہی اعلیٰ اوریئل ویریئنٹ میں موجود ہے۔ باقی کار انہی خصوصیات کی حامل رہے گی جیسی پہلے تھی۔ اس کی قیمت اس وقت 31 لاکھ 99 ہزار (ایکس-فیکٹری) ہے۔
ہونڈا سوِک 1.8L i-VTEC CVT اوریئل:
یہ مخصوص ویریئنٹ ہونڈا کے Better Buckle Up ٹیزر کے بعد سب سے زیادہ پائے گی۔ جیسا کہ کمپنی کی مہم سے اندازا ہوا کہ ہونڈا سوِک اوریئل اب LED ہیڈلائٹس پیش کرے گی جو گاڑی میں ایک زبردست اضافہ ہے۔ اس کے علاوہ یہ ویریئنٹ LED فوگ لائٹس اور الائے ویلز کے نئے ڈیزائن سے بھی لیس ہوگی۔ 1.8-لیٹر سیڈان کے اگلے اور پچھلے بمپرکا نظارہ کروم اسٹرِپ کے اضافے سے بہتر ہو جائے گا۔ ہونڈا کا بدنامِ زمانہ شارک فِن انٹینا بھی سوِک کے فیس لفٹ ماڈل میں اپنی جگہ بنائے گا۔ یہ ویریئنٹ اس وقت 33 لاکھ 99 ہزار (ایکس-فیکٹری) قیمت پر آتا ہے۔
ہونڈا سوِک RS 1.5 ٹربو ہونڈا سوِک ٹربو 1.5 VTEC CVT ویریئنٹ مبینہ طور پر نیا انجن کنٹرول مانیٹر (ECM) پائے گا۔ اس کے علاوہ چند ایکسٹیریئر اور انٹیریئر تبدیلیاں بھی ہوں گی، بشمول آگے اور پیچھے RS مونوگرام، کالے رنگ کی انٹیریئر تھیم، LED ہیڈلائٹس، LED فوگ لائٹس، اگلے اور پچھلے بمپر پر کروم اسٹرِپ، شارک فِن انٹینا، اسپورٹی ٹرنک اسپوائلر مع LED، ڈارک کروم آؤٹر ہینڈلز اور دیگر۔
نیا اپڈیٹ شدہ ویریئنٹ 17 انچ نئے الائے ویلز اور ایک ٹرنک کوَر کا حامل ہوگا۔ اور یہ ویریئنٹ ماڈیولر کِٹ کے اضافی آپشن کے ساتھ دستیاب ہوگا۔ تو اب ہونڈا سوِک RS ٹربو ایک “عام” ٹربو اور ٹربو مع ماڈیولر کِٹ کے ساتھ دستیاب ہوگی۔
یہ ویریئنٹ اس وقت 37 لاکھ 99 ہزار روپے (ایکس-فیکٹری) کی قیمت پر آتا ہے۔
فیس لفٹ ماڈل کی قیمت؟
البتہ ہونڈا سوِک کے فیس لفٹ ماڈل کی قیمت بحث طلب ہے۔ اگر ہم چند روز پیچھے جائیں تو آٹومیکر نے ہونڈا سٹی اور BR-V کی قیمتوں میں 85،000 روپے تک کا اضافہ کیا تھا جو یکم اپریل سے لاگو ہوا؛ لیکن کمپنی نے ہونڈا سوِک کی قیمتیں یہ کہہ کر برقرار رکھیں کہ ان کا اعلان بعد میں کیاجائے گا۔ اس لیے یہی کہا گیا کہ مارکیٹ میں ایک مرتبہ متعارف کروائے جانے کے فیس لفٹ ماڈل کی قیمت لازماً بڑھے گی۔
ہونڈا سوِک 2019ء فیس لفٹ قیمتیں
اور بالآخر قیمتیں بڑھا دی گئیں۔ 1.8 CVT کے معاملے میں گزشتہ قیمت 31 لاکھ 34 ہزار روپے تھی؛ 1.8 CVT اوریئل کی 32 لاکھ 99 ہزار اور ٹربو ویریئنٹ کی 35 لاکھ 5 ہزار روپے تھی۔
ایک اور اہم پہلو یہ ہے کہ حکومت نے 1700cc یا اس سے بڑا انجن کی گنجائش رکھنے والی گاڑیوں پر لاگو 10 فیصد FED ہٹانے کا ارادہ رکھتی ہے جو فی الوقت لاگو ہے۔ اس حوالے سے اب تک کوئی باضابطہ اعلان نہیں کیا گیا۔ اس لیے اگر آپ ہونڈا سوِک کے فیس لفٹ ورژن کو بک کرنے کی منصوبہ بندی کر رہے ہیں تو اس کی قیمت پر 10 فیصد FED بھی شامل کیجیے گا۔
مبینہ طور پر فیس لفٹ ہونڈا سوِک کی بکنگ 12 لاکھ روپے کے ساتھ پہلے ہی شروع ہو چکی ہے۔ گاڑیوں کی ڈلیوری جولائی 2019ء سے ہوگی۔
10 ویں جنریشن کی ہونڈا سوِک کے فیس لفٹ ورژن پر آپ کے کیا خیالات ہیں؟ ہمیں تبصروں میں ضرور بتائیں۔
