جاپانی آٹومیکر ہونڈا اٹلس نے پاکستان میں اپنی سوِک کار کا ایک اور ویرینٹ متعارف کروا دیا ہےجسے سوِک 1.5 VTEC ٹربو اوریل کا نام دیا گیا ہے۔ اس گاڑی کی قیمت 42,49,000 روپے مقرر کی گئی ہے۔
تفصیلات کے مطابق کار کی بکنگ شروع ہو گئی ہے اور یہ فوری طور پر دستیاب بھی ہے یعنی آپ قیمت ادا کریں اور فوراً گاڑی حاصل کریں۔ یہ گاڑی 1.5-لیٹر VTEC انجن سے لیس ہے جو CVT ٹرانسمیشن رکھتا ہے اور 5500 RPM پر 170 hp اور 1700 RPM پر 220 Nm پیدا کرتا ہے۔
اس کار کی تمام تصاویر دیکھنے کے لیے سلائیڈ کریں:
سوِک RS ٹربو کے مقابلے میں، جو 17 انچ الائے ویلز کے ساتھ آتی ہے، یہ گاڑی 16 انچ کے الائے ویلز سے لیس ہے۔ اس کے علاوہ یہ گاڑی ریموٹ انجن اسٹارٹر کے ساتھ آتی ہے۔ یہ ڈوئل ایئر بیگز، اموبیلائزر، پاور ڈور لاکس، پاور اسٹیئرنگ، پاور ونڈوز، پاور مررز، کی لیس انٹری،آپشنل نیویگیشن، الیکٹرک پارکنگ بریک (EPB)، چائلڈ لاک، آٹو بریک ہولڈ (ABH)، وہیکل اسٹیبلٹی اسسٹ (VSA)، ہل اسٹارٹ اسسٹ (HSA)، ایمرجنسی اسٹاپ سگنل (ESS)، اینٹی لاک بریکنگ سسٹم (ABS)، سکیورٹی الارم وغیرہ سے لیس ہے۔
کمپنی اس کار کے لیے اَن لیڈڈ 91RON آئل تجویز کر تی ہے۔
ہونڈا سوِک 1.5 VTEC ٹربو اوریل کی مکمل خصوصیات اور تفصیلات دیکھیں
کمپنی نیا ویرینٹ پیش کرکے اپنی فروخت میں اضافہ اور مزید صارفین کی توجہ حاصل کرنا چاہ رہی ہے۔ یہ پہلا موقع نہیں ہے کہ کسی کمپنی نے زیادہ مارکیٹ شیئر حاصل کرنے کے لیے نیا ویرینٹ لانچ کیا ہو۔ IMC بھی صارفین کی توجہ حاصل کرنے کے لیے فورچیونر کا نیا ویرینٹ پیش کر چکا ہے، جسے فورچیونر G کا نام دیا گیا ہے۔
ہونڈا نے مالی سال 2019-20ء کی پہلی ششماہی کے دوران 107 غیر پیداواری ایام (NPDs) کا سامنا کیا۔ البتہ کمپنی کا کہنا ہے کہ وہ جنوری 2020ء میں ایک دن کے لیے بھی اپنا پلانٹ بند نہیں کرے گی۔ جولائی تا دسمبر 2019ء کے عرصے میں HACPL کی مجموعی فروخت میں 66.44 فیصد کی کمی آئی، ادارے کی سیلز میں بڑا حصہ سوِک اور سٹی کی فروخت کا ہوتا ہے۔ کمپنی کے جاری کردہ ان دونوں گاڑیوں کی فروخت کے مشترکہ اعداد و شمار نے ظاہر کیا کہ ان کے صرف 6,919 یونٹس فروخت ہوئے جبکہ پچھلے سال کے اسی عرصے میں 21,784 یونٹس فروخت ہوئے تھے، یعنی 68 فیصد سے بھی زیادہ کی کمی آئی۔ ہونڈا سٹی کی موجودہ جنریشن پیداوار کے 11 ویں سال میں ہے اور نئے ماڈل کے کوئی آثار نظر نہیں آتے۔ اسی عرصے میں سوِک ری بورن سے ری برتھ تک اپ گریڈ ہوئی، اور اب مقامی مارکیٹ میں سوِک X بنائی جا رہی ہے۔ دوسری جانب کمپنی نے مالی سال 2019-20ء کی پہلی ششماہی میں BR-V کے 1,227 یونٹس فروخت کیے جس کے پچھلے سال 2,494 یونٹس فروخت ہوئے تھے۔
اپنے خیالات نیچے تبصروں میں پیش کیجیے اور بتائیے کہ نئے سوِک ویرینٹ کے بارے میں آپ کی رائے کیا ہے۔
