حکومت کی جانب سے 10 فیصد فیڈرل ایکسائز ڈیوٹی (FED) کے نفاذ کا بوجھ ایک مرتبہ پھر عوام پر ہی آیا ہے۔ گاڑیوں کی قیمتوں میں حالیہ اضافے کے بعد اب متوقع ہے کہ گاڑیوں کی ایکسیسریز اور پارٹس کی قیمتیں بھی اوپر جائیں گی۔ سوِک نیوی گیشن اس فہرست میں نیا اضافہ ہے۔
ہونڈا اٹلس کارز (پاکستان) نے بدھ کو اپنے ڈیلرز کو ایک نوٹیفکیشن جاری کیا ہے کہ جس کا کہنا ہے کہ FED کی وجہ سے وہ ہونڈا سوِک نیوی گیشن اور لیدر پروڈکٹس کی قیمتوں میں ردّوبدل کر رہے ہیں۔ وجہ یہ بیان کی گئی کہ قیمتیں 10 فیصد FED کی وجہ سے بڑھائی جا رہی ہیں۔ حکومت نے فائنانس سپلیمنٹری بل 2019ء میں دوسری ترمیم کی تعمیل میں اس ٹیکس کی منظوری دی تھی۔
ہونڈا سوِک نیوی گیشن اور لیدر کی موجودہ قیمت بالترتیب 74,500 اور 59,500 ہے۔ البتہ 10 فیصد FED کے نفاذ کے بعد سوِک نیوی گیشن کی قیمت 81,950 روپے ہوگی۔ ہونڈا سوِک لیدر کی نئی قیمت 65,500 روپے ہوگی۔
نئی قیمتیں 15 اپریل 2019ء سے لاگو ہوں گی۔ یعنی اگر آپ 13 اپریل تک ادائیگی کر سکتے ہیں تو آپ سے پرانی قیمتیں ہی لی جائیں گی۔ ویسے سیٹ کورز کی ہماری رینج بھی دیکھتے جائیں۔
کاروں کی قیمتوں میں اضافہ
نومبر 2018ء سے اب تک آٹومیکرز قیمتوں میں واضح طور پر اضافے کر چکے ہیں۔ حکومت کی جانب سے 10 فیصد FED کے نفاذ کے علاوہ روپے کی قدر بھی اہم ترین عوامل میں سے ایک ہے۔
ہونڈا اٹلس اور ٹویوٹا IMC نے مارچ 2018ء میں گاڑیوں کی قیمتیں بڑھائیں۔ ٹویوٹا IMC کی جانب سے اپنی گاڑیوں میں کی قیمتوں میں اضافے کے فوراً بعد ہونڈا اٹلس نے ہونڈا سوِک VTi پروس میٹک 1.8 i-VTEC اور ہونڈا سوِک VTi اوریل پروس میٹک 1.8 i-VTEC کی قیمتوں میں بالترتیب 12 فیصد اضافہ کیا۔
حکومت نے 1700cc اور اس سے زیادہ کے انجن رکھنے والی مقامی طور پر تیار کردہ گاڑیوں کی قیمت پر 10 فیصد FED عائد کیا۔ سوِک کے ویریئنٹس کی قیمتوں میں اضافہ اس وجہ سے ہوا۔
حکومت FED واپس لے گی
عبد الرزاق داؤد، مشیر وزیراعظم برائے تجارت، ٹیکسٹائل اور صنعت نے اعلان کیا کہ حکومت 1700cc اور اس سے زیادہ کے انجن رکھنے والی گاڑیوں پر لاگو 10 فیصد FED آئندہ ہفتوں میں واپس لینے کا ارادہ رکھتی ہے۔
البتہ FED واپس لینے کا حتمی اعلان ہونا ابھی باقی ہے۔
آپ کو ایک مثال دیتے ہیں کہ FED لاگو ہونے ے بعد گرینڈ آلٹس 1.8 MT کی قیمت 26,89,000 روپے سے 29,57,900 روپے تک پہنچ گئی۔ اسی طرح فورچیونر ڈیزل FED سے پہلے 68,29,000 روپے کی تھی جبکہ FED لاگو ہونے کے بعد اس کی قیمت 75,11,900 روپے ہوگئی۔
پاکستان اور بیرونِ ملک سے آٹوموٹِو انڈسٹری کی ایسی ہی دیگر خبروں کے لیے پاک ویلز پر آتے رہیے۔
