پاکستان میں گاڑیاں بنانے والے اداروں میں سے ایک ہونڈا اٹلس نے آج اپنی گاڑیوں کی قیمتوں میں اضافے کا اعلان کردیا ہے۔
ادارے کی جانب سے جاری کردہ بیان کے مطابق منفی شرح مبادلہ کے اثرات اور 1 فیصد اضافی امپورٹ ڈیوٹی اس اضافے کی وجوہات ہیں۔ قیمتوں میں اضافہ 30,000 سے 1,00,000 روپے تک ہے اور آج یعنی 2 جولائی 2018ء سے ہی نافذ العمل ہوچکا ہے۔
نئی قیمتیں سونپے گئے مال میں اُن گاڑیوں پر لاگو ہوں گی جن کی رسید 30 جون 2018ء کے بعد کی ہے۔ اس کے باوجود اضافی فیچرز کی قیمتیں وہی رہیں گی۔ ہونڈا کا نظرثانی شدہ نرخ نامہ یہ ہے۔
| ماڈلز | موجودہ قیمت – پاکستانی روپے | نئی قیمتیں – پاکستانی روپے | فرق – پاکستانی روپے |
| ہونڈا سوک 1.8L I-VTEC | 2499000 | 2599000 | 100000 |
| ہونڈا سوک 1.8L اوریل | 2649000 | 2749000 | 100000 |
| ہونڈا سٹی 1.3L MT | 1699000 | 1729000 | 30000 |
| ہونڈا سٹی 1.3L AT | 1839000 | 1869000 | 30000 |
| ہونڈا سٹی 1.5L MT | 1759000 | 1789000 | 30000 |
| ہونڈا سٹی 1.5L AT | 1899000 | 1929000 | 30000 |
| ہونڈا سٹی 1.5L ایسپائر MT | 1839000 | 1939000 | 50000 |
| ہونڈا سٹی 1.5L ایسپائر AT | 2029000 | 2079000 | 50000 |
| ہونڈا BR-V MT | 2099000 | 2134000 | 35000 |
| ہونڈا BR-V CVT | 2249000 | 2284000 | 35000 |
| ہونڈا BR-V S CVT | 2349000 | 2384000 | 35000 |
مندرجہ بالا تمام قیمتیں ایکس-فیکٹری ہیں۔
چند روز قبل اٹلس ہونڈا اپنی موٹر سائیکلوں کی قیمتوں میں بھی 2000 روپے تک کا اضافہ بھی کرچکا ہے۔
ہونڈا اپنی گاڑیوں کی قیمتوں میں اضافہ کرنے والا پہلا ادارہ نہیں، درحقیقت یہ صرف ہونڈا ہی اپنی گاڑیوں کے نرخوں میں چوتھی بار اضافہ کرچکا ہے۔ دیگر ادارے مثلاً ٹویوٹا، پاک سوزوکی اور الحاج فا بھی اپنی گاڑیوں کی قیمت میں بڑا اضافہ کر چکے ہیں۔
محتاط اندازوں کے مقابلے امریکی ڈالر 130 روپے کی زیادہ سے زیادہ قیمت تک جائے گا۔ اس لیے یہ دیکھنا حیران کن نہ ہوگا کہ سال 2018ء کے اختتام تک قیمتوں میں کم از کم ایک یا دو مرتبہ مزید اضافہ ہو۔ نیا مالی سال اضافی قیمتوں کے ساتھ شروع ہوا ہے، اب دیکھنا یہ ہے کہ باقی سال کیا لاتا ہے۔
تب تک کے لیے تازہ ترین آٹو نیوز کے لیے PakWheels.com پر آتے رہیے۔
