اب سے تقریباً 40 روز قبل ہونڈا ایٹلس (Honda) نے دسویں جنریشن سوک کی بُکنگ شروع کی تھی۔ اس ضمن میں سوک کے مداحوں سے 10 لاکھ روپے کی خطیر رقم بطور پیشگی ادائیگی تو وصول کی گئی تاہم نئی سوک کا دیدار کرانا تو دور کی بات، انہیں یہ تک نہیں بتایا گیا کہ اس میں کیا کچھ شامل ہوگا اور کیا نہیں۔ بعد ازاں پاکستان میں تیار کی جانے والی سوک 2016 کی تفصیلات منظرعام پر آئیں تاہم بُکنگ کی مد میں موصول کی جانے والی رقم بھی بڑھا دی گئی۔ ہونڈا ایٹلس کی اس عجیب و غریب حکمت عملی کے باوجود عوام میں نئی سوک کی خوب دھوم مچ رہی ہے اور مختلف ذرائع سے موصول ہونے والی اطلاعات کے مطابق سوک 2016 کی خریداری میں لوگوں کی دلچسپی بھی عروج پر ہے۔
مجھے اپنے قارئین کو یہ بتاتے ہوئے کافی خوشی ہورہی ہے کہ اب سوک کی باضابطہ رونمائی بہت جلد ہونے والی ہے۔ ہونڈا ایٹلس نے اس حوالے سے انتظامات کو حتمی شکل دے دی ہے اور تقریباً تمام ہی ڈیلرشپس اور شورومز میں نئی سوک (Honda Civic 2016) پہنچا دی گئی ہیں۔ یہاں میں اپنے پاک ویلر دوست کا شکریہ ادا کرنا چاہوں گا کہ جنہوں نے پہلی بار پاکستان میں پیش کی جانے والی سوک 2016 کی انتہائی خوبصورت اور دلکش تصاویر ہم تک پہنچائیں۔ ان تصاویر کو دیکھ کر ہم مقامی تیار شدہ سوک کی ہر زاویے سے دیکھ سکتے ہیں اور ان سہولیات کا بھی اندازہ لگاسکتے ہیں کہ جو اس سوک کا حصہ ہوں گی۔
مزید پڑھیں: پاکستان میں ہونڈا سوک 2016 بُک کروانے کا طریقہ
ان خفیہ تصاویر سے اس بات کی تصدیق ہوتی ہے کہ سوک 1.5 ٹربو کا ظاہری انداز کیسا ہوگا۔
چھت پر کھڑکی (Sunroof)
16 انچ کے الائے رمز اور 215/55 R16 ویلز
اگلی جانب سیاہ گِرل
آگے اور پیچھے کی جانب کیمرا
خوبصورت ہیڈ لائٹس کے ساتھ چمکدار LED لیمپ اور دھند میں بھی نظر آنےوالی خصوصی لائٹس
دائیں اور بائیں جانب انڈیکیٹرز (خیال کیا جارہا تھا کہ ہونڈا ایٹلس اسے شامل نہیں کرے گی)
دروازوں کے کروم ہینڈلز میں سینسرز۔ اس سےاندازہ لگایا جاسکتا ہے کہ گاڑی چابی نہیں بلکہ ریموٹ سے چلے گی!
عقب میں دو ایگزاسٹ (جنہیں پاکستانی سِوک کی لاہور میں آزمائش کے دوران بھی دیکھا گیا تھا)
پچھلے شیشے پر اسٹیکر
یہ بھی پڑھیں: پاکستان میں پیش کردہ ہونڈا سِوک 2016 سے متعلق تفصیلات
ہونڈا سوک 2016 کے ظاہری انداز سے متعلق کافی تصاویر پہلے بھی پاک ویلز پر پیش کی جاچکی ہیں۔ نیز سوشل میڈیا اور دیگر فورمز پر بھی اس حوالے سے کافی معلومات دستیاب ہیں تاہم پاکستان میں تیار شدہ ہونڈا سوک کے اندرونی حصے سے متعلق کم بات کی جارہی ہے۔ تو آئیے ہم آب کو نئی سوک کا اندرونی حصے سے متعلق بھی اہم معلومات فراہم کرتے ہیں۔
پچھلی نشستوں کے لیے علیحدہ A/C
امریکا میں پیش کی جانے والی سوک کی طرز پر یہاں بھی مکمل سینٹرل کنسول شامل کیا گیا ہے
برقی پارکنگ بریک
اسٹیئرنگ پر ملٹی میڈیا اور کروز کنٹرول کے ساتھ گاڑی اسٹارٹ کرنے کے لیے بٹن بھی دیکھا جاسکتا ہے
یک طرفہ کلائمٹ کنٹرول
ڈیجیٹل اسپیڈو میٹر
ان تصاویر کو دیکھ کر آپ پاکستان میں سوک 2016 کا مستقبل کیسا دیکھتے ہیں؟ ہمیں اپنی رائے سے ضرور آگاہ کریں!
تصاویر بشکریہ ہونڈا سوک 2016 فین
