ہونڈا پرائیڈر نے ایندھن بچت کے لیے پاکستان کی بہترین موٹر سائیکل کا اعزاز جیت لیا
ملک میں درمیانے طبقے کی بڑی آبادی اور موٹر سائیکلوں کی قیمتوں میں سخت مقابلے کی وجہ سے موٹر بائیک مارکیٹ تیزی سے ابھر رہی ہے۔ PAMA کے تازہ ترین اعداد و شمار کے مطابق موٹر سائیکلوں اور رکشوں کی فروخت میں موجودہ مالی سال کے 11 ماہ میں اضافہ دیکھنے کو ملا۔ اگر اس فروخت کا تقابل جولائی سے مئی 2016-17ء سے کیا جائے تو فروخت میں کل اضافہ 16.18 فیصد کا ہوا۔ مزید برآں، موٹر سائیکل فروخت جولائی سے مئی 2017-18ء میں 1,744,463 یونٹوں تک گئی، جبکہ گزشتہ سال کے اسی عرصے میں یہ 1,501,393 تھی۔
ملک میں سفر کے لیے سستا ترین طریقہ یہ دو پہیوں کی سواری ہے۔ موٹر سائیکل خریدنے سے پہلے جن اہم عوامل پر عوام غور کرتے ہیں وہ ایندھن بچت اور دوبارہ فروخت کرنے کی صلاحیت ہیں۔ PakWheels.com نے آٹو انڈسٹری پر ایک نظر دوڑانے کے لیے 2017ء میں ایک سروے کیا۔ سروے میں پہلی بار PakWheels.com نے موٹر سائیکلوں کے لیے پورا حصہ شامل کیا تاکہ مقامی موٹر سائیکل صنعت کا مجموعہ جائزہ اور کسی مخصوص موٹر سائیکل برانڈ یا بائیک کے حوالے سے عوامی ترجیحات فراہم کی جا سکیں۔
PakWheels.com کے پوچھے گئے کئی سوالات میں سے ایک ملک میں سب سے زیادہ ایندھن بچت دینے والی موٹر سائیکل کے بارے میں بھی تھا۔ اور موٹر سائیکل مالکان/صارفین کی بڑی تعداد نے ہونڈا پرائیڈر کے حق میں ووٹ دیا اور اسے پاکستان کی سب سے زیادہ ایندھن مؤثر موٹر سائیکل قرار دیا۔ یہاں یہ بات قابل ذکر ہے کہ جوابات ملک کے تمام حصوں سے لیے گئے اور جس طرح انہیں ریکارڈ کیا گیا ویسے ہی پیش کیا گیا۔ کچھ لوگ نتائج سے اختلاف ضرور کر سکتے ہیں لیکن عوام نے ہونڈا پرائیڈر پر اعتماد کیا ہے۔
مزید برآں، یاماہا YBR 125 کو مقامی موٹر سائیکل مالکان/صارفین کی جانب سے سال 2017ء کی بہترین موٹر سائیکل قرار دیا گیا۔
کئی دیگر برانڈز نے پیپلز چوائس ایوارڈ بھی حاصل کیے۔
ہونڈا پرائیڈر ہونڈا سی ڈی 100 کی جانشیں ہے، لیکن زیادہ دلکش، ایروڈائنامک ڈیزائن اور سدابہار مائلیج کے ساتھ۔ یہ 4 اسٹروک OHV انجن اور زبردست سسپینشن رکھتی ہے۔
سروے میں ملک بھر میں 19,155 افراد کے جوابات ریکارڈ کیے گئے۔ ان میں سے 54 فیصد کا تعلق پنجاب سے، 27 فیصد کا سندھ، 12 فیصد کا اسلام آباد، 6 فیصد کا خیبر پختونخوا، 1 فیصد کا بلوچستان اور 0.10 فیصد کا گلگت بلتستان سے تھا۔ یہ سروے عوام کی خرچ کرنے کی عادات، ڈرائیونگ کے رویّوں، توقعات اور پاکستان میں آٹو موبائل شعبے کے معمولات کا احاطہ کرتا ہے۔
ہماری طرف سے اتنا ہی، اپنی رائے نیچے تبصروں میں پیش کیجیے۔
