ایکسپریس وے کی توسیع کے منصوبے کی وجہ سے عوام کو گلبرگ گرین انٹرچینج سے لے کر روات تک ٹریفک جام کا سامنا کرنا پڑ رہا ہے۔ ایکسپریس وے کو چوڑا کرنے کا منصوبہ زیرو پوائنٹ سے لے کر روات تک چار حصوں میں مکمل ہونا تھا لیکن کیپٹل ڈیولپمنٹ اتھارٹی ابھی تک صرف دو حصے ہی مکمل کر پائی ہے۔
اسلام آباد کے رہائشیوں کا کہنا ہے کہ رش کے اوقات میں بہت زیادہ ٹریفک جام ہونے کی وجہ سے ایکسپریس وے کو چوڑا کرنے کی اشد ضرورت تھی۔
جبکہ سی ڈی اے حکام کا کہنا ہے کہ ایکسپریس وے کے دوسرے حصوں پر کام جلد شروع کر دیا جائے گا۔
زیروپوائنٹ سے لے کر روات تک ایکسپریس وے کے دونوں اطراف میں پانچ لین تک کی توسیع کی جائے گی۔ یہ توسیع 24 کلومیٹر کا فاصلہ کور کرے گی۔
