JAC موٹرز مستقبل میں پاکستان میں الیکٹرک گاڑیاں متعارف کروانے پر نظریں جمائے ہوئے ہے۔
میڈیا سے گفتگو کرتے ہوئے ڈپٹی چیف اکنامک مینیجر ڈیوڈ چینگ نے کہا کہ وہ طویل المیعاد ترقیاتی منصوبے کے تحت پاکستان میں بجلی سے چلنے والی گاڑیاں متعارف کروانے کا منصوبہ بنارہے ہیں۔
انہوں نے مزید کہا کہ الیکٹرک کاریں بنانے کی لاگت اب کم ہو رہی ہے اور اب یہ درمیانے طبقے کی جیب کے لیے ہلکی ہو چکی ہیں۔ مزید برآں ملک میں مجموعی معاشی صورتحال بہتر ہو رہی ہے، جو ہمیں پاکستان الیکٹرک گاڑیاں متعارف کروانے کا موقع دے رہی ہے۔
بتایا گیا ہے کہ ادارہ پاکستان میں الیکٹرک کاروں کے لیے ایک اسمبلی پلانٹ بنانے کا منصوبہ رکھتا ہے تاکہ اپنی پیداواری لائن کو بڑھائے۔ ملک میں الیکٹرک گاڑیاں پیش کرنے کی منصوبہ رکھنے کی ایک وجہ یہ ہو سکتی ہے کہ حکومت نے ملک میں بجلی سے چلنے والی گاڑیوں کے فروغ کے لیے چھوٹ دے رکھی ہے۔ حکومت نے 2018-19ء کے بجٹ میں جو فواغد دیے تھے وہ کچھ یوں ہیں:
بجلی سے چلنے والی گاڑیوں کے لیے چارجنگ اسٹیشنز پر 16 فیصد کسٹمز ڈیوٹی سے چھٹکارا
کسٹمز ڈیوٹی کی 50 سے 25 فیصد تک کمی اور بجلی سے چلنے والی گاڑیوں پر 15 فیصد ریگولیٹری ڈیوٹی سے چھٹکارا
برقی گاڑیوں کی کٹس پر کسٹمز ڈیوٹی 50 فیصد سے گھٹا کر 10 فیصد
بجلی سے چلنے والی گاڑیاں کوئی نئی چیز نہیں ہیں، تمام ترقی پذیر ممالک روایتی ایندھن سے چلنے والی گاڑیوں سے بجلی سے چلنے والی گاڑیوں پر منتقل ہو رہے ہیں تاکہ موسمیاتی تبدیلی اور عالمی حدت کا مقابلہ کیا جا سکے اور اس منصوبے میں چین پیش پیش ہے۔ بلاشبہ یہ ایک اچھی خبر ہے کہ ایک گاڑیاں بنانے والا چینی ادارہ پاکستان میں آنے کی منصوبہ بندی کر رہا ہے۔
ادارہ پہلے ہی گندھارا کے ساتھ مل کر کام کر رہا ہے اور مارکیٹ میں JAC X200 جیسی گاڑیاں متعارف کروا چکا ہے اور مستقبل میں JAC T6 کے اجراء کا منصوبہ بنا رہا ہے۔
تازہ ترین خبروں کے لیے ہمارے ساتھ رہیے۔
