آج ہمیں کیا پکانٹو 2019ء پر ایک نظر دوڑانے کا موقع بالآخر مل ہی گیا۔ اس گاڑی کی بکنگ کا آغاز ہو چکا ہے اس لیے اس کے بارے میں مزید جاننے کے لیے یہ تفصیلی جائزہ ضرور پڑھیں۔
ایکسٹیریئر ڈیزائن
ڈیزائن کے معاملے میں سب سے پہلے دیکھتے ہیں آگے کے حصے کو کہ جہاں معروف ٹائیگر گرِل اور نوز گرِل ہیں اور دوسری اہم چیز یہ کہ اس کار میں بڑے ہیڈ لیمپس موجود ہیں۔ یہ ہیلوجن ہیڈ لیمپس ہیں، پروجیکٹر-بیم نہیں کہ جو انٹرنیشنل ماڈلز میں دیکھے گئے ہیں۔ آپ نے دیکھ لیا ہوگا کہ اگلے بمپر میں فوگ لائٹس کی جگہ پر DRL لائٹس ہیں۔ سائیڈ پروفائل کی طرف آئیں تو یہ گاڑی بہت ایروڈائنامک اور ہموار ڈیزائن رکھتی ہے۔ اس کار کی باڈی بہت نمایاں curves نظر آتے ہیں۔ ٹائرز کے معاملے میں پکانٹو ویل کیپس کے ساتھ 14 انچ اسٹیل ویلز رکھتی ہے۔ آپ الائے رِمز کا انتخاب بھی کر سکتے ہیں۔
اگلے حصے کی طرح پچھلا حصہ بھی بہت خوبصورت اور زبردست ہے اور ہیڈ لیمپس کی طرح ٹیل لائٹس بھی بڑی سی ہیں۔ پچھلے بمپر پر لائٹ reflectors بھی ہیں کہ جنہیں نچلے حصے پر ریورس لائٹ کے ساتھ ملا دیا گیا ہے۔ اس کار ایک انوکھا فیچر جو اسے مقامی طور پر بننے والی دوسری گاڑیوں پر برتری دیتا ہے، ریئر گلاس وائپر ہے جو واٹر شاور بھی رکھتا ہے۔
ڈِگی میں گنجائش
کِیا پکانٹو کی ڈِگی گنجائش کافی مناسب ہے اور اس میں بنیادی طور پر ایک بوٹ سیپریٹر بھی موجود ہے۔ ڈِگی کے اندر آپ کو فرسٹ ایڈ کِٹ اور ایک اسپیئر ویل بھی ملے گا، وہ بھی ایک بہت اچھی ٹُول کِٹ کے ساتھ۔ یہ اسپیئر ویل بہت اچھا اضافہ ہے کیونکہ اب زیادہ تر نئی گاڑیاں الیکٹرک ایئر پمپ کے ساتھ آ رہی ہیں، اضافی پہیے کے ساتھ نہیں۔
انٹریئر اور سازوسامان
یہ ہیچ بیک ایک بہت خوبصورت jack knife چابی کے ساتھ آتی ہے جس سے آپ اپنی گاڑی کو لاک اور اَن-لاک دونوں کر سکتے ہیں۔ پکانٹو کے انٹیریئر میں داخل ہونے سے پہلے ہم سکیورٹی الارم کی موجودگی کا ذکر ضرور کرنا چاہیں گے کہ جو بنیادی طور پر اس گاڑی میں شامل ہے۔ آئیے اب انٹیریئر کو دیکھتے ہیں کہ جہاں ڈرائیور کی سائیڈ مکمل آٹومیٹک ہوتے ہوئے ہمیں 4 پاور وِنڈوز ملتی ہیں۔ اس میں ماسٹر لاک/اَن لاک اور وِنڈوز ماسٹر لاک کے ساتھ ساتھ مِرر ایڈجسٹمنٹ فیچر بھی ہے۔ پکانٹو کا ایک اور اچھا فیچر electric heated سائیڈ مررز ہیں جو سردیوں کے موسم میں خودکار طور پر ڈی فراسٹ کرتے ہیں۔
انجن اسٹارٹ کرنے پر آپ اس کی روانی سے متاثر ہوئے بغیر نہیں رہ پاتے۔ کار کا اسپیڈو میٹر اسٹیئرنگ ویل پر موجود میڈیا کنٹرولز کے ذریعے کنٹرول کیا جا سکتا ہے۔ یہ پاکستان کی پہلی 1000cc کار ہے جو tilting اسٹیئرنگ ویل اور height-adjustable ڈرائیور سیٹ رکھتی ہے۔ یہ مینوئلی ایڈجسٹ کیے جانے کے قابل سیٹیں پمپنگ سیٹ بھی کہلاتی ہیں۔ یوں ڈرائیور آسانی سے اپنی ضرورت اور ترجیح کے مطابق اس کی اونچائی سیٹ کر سکتے ہیں۔ اس کار کی ایئر کنڈیشننگ کی طرف آئیں تو ہم نے اسے بھی بہت خوب پایا۔
موسیقی پسند کرنے والوں کے لیے پکانٹو اِن-ڈیش آڈیو سسٹم کے ساتھ آتی ہے جس میں AUX، USB کے ساتھ ساتھ بلوٹوتھ بھی ہے۔ پکانٹو 4-اسپیکر آڈیو سسٹم کے ساتھ آتی ہے جو ایک عام لیکن اس کیٹیگری میں ایک اچھا فیچر ہے۔ ڈیش بورڈ کے نیچے ہمیں اپنی ڈیوائسز چارج کرنے کے لیے 12 وولٹ کے دو پاور آؤٹ لیٹس کے ساتھ USB چارجنگ پورٹ ملتی ہے۔
ٹرانسمیشن اور سیفٹی
کیا پکانٹو اس لحاظ سے بھی پاکستان کی پہلی کار ہے جو مکمل آٹو میٹک 4-اسپیڈ ٹرانسمیشن کے ساتھ آتی ہے اس سے پہلے ہمارے پاس آٹومیٹڈ مینوئل ٹرانسمیشن کاریں تھیں جیسا کہ سوزوکی آلٹو اور سوزوکی کلٹس۔ سیفٹی کے لحاظ سے یہ کار اگلے حصے میں دو ڈوئل ایئر بیگز رکھتی ہے۔ کیا پکانٹو ایک انٹرنیشنل سیفٹی اسٹینڈرڈ سے لیس ہے جسے ISO چائلڈ فِکس کہا جاتا ہے۔ یہ پاکستان میں مقامی طور پر بننے والی کسی ہیچ بیک میں نہیں ہے۔
ڈیش بورڈ ڈیزائن کی طرف آئیں تو آپ کیبن کے اندر سلور ٹرِم دیکھ سکتے ہیں جس نے شکل و صورت کو کافی اچھا بنا دیا ہے۔ ایک مناسب سائز کا ایک روشن اسٹوریج کمپارٹمنٹ بھی اس گاڑی میں موجود ہے۔ یہ امر بھی قابل ذکر ہے کہ کِیا کا انٹیریئر بہت ہی اعلیٰ معیار کا ہے، بلکہ اس وقت مارکیٹ میں موجود 1000cc کیٹیگری کی کسی گاڑی سے بھی زیادہ اچھا۔
اب گاڑی کی سیٹوں کی بات کریں کہ جو فیبرک کی بنی ہوئی ہیں اور بہت ergonomic ہیں۔ آپ ان پر بیٹھ کر بہت آرام محسوس کریں گے لیکن آخری فیصلے کے لیے ہمیں پہلے گاڑی کو استعمال کرنا ہوگا۔
پچھلی سیٹوں پر پہلی چیز جس کی موجودگی آپ کو محسوس ہوگی، وہ پیچھے بیٹھنے والے مسافروں کے لیے تین سیٹ بیلٹس کی موجودگی ہے، ساتھ ہی چائلڈ سیٹ کے لیے دو ISO فکس پوائنٹس بھی ہیں، جو ایک مرتبہ پھر پاکستان میں اِس کیٹیگری کی کسی بھی کار کا بہت عمدہ فیچر ہے۔ زیادہ سامان لے کر سفر کرنے والے یہ جان کر خوش ہوں گے کہ پچھلی سیٹیں 60-40 اسپلٹ رکھتی ہیں کہ جنہیں آپ تہہ کرکے پکانٹو کی ڈگی میں گنجائش کو بڑھا سکتے ہیں۔ تمام پانچوں سیٹیں ایڈجسٹ ایبل headrests کے ساتھ آتی ہیں جو سفر کے دوران آرام کو مزید بہتر بناتی ہیں اور ایک مرتبہ پھر یہ کسی 1000cc کی کار کے لیے بہت انوکھی چیز ہے۔ پچھلی سیٹوں پر لیگ اسپیس بھی کافی اچھا ہے۔
انجن اور اسمبلی
پکانٹو 1000cc کے مناسب 3-سلنڈر MPI انجن کے ساتھ آتی ہے جو 69hp پیدا کرتا ہے۔ یہ ایک CKD یونٹ ہے جس کا مطلب ہے کِیا پکانٹو بنانے کے لیے استعمال ہونے والی ہر چیز امپورٹڈ ہے اور بہت اعلیٰ معیار کی ہے۔ مقامی طور پر بنائی جانے والی واحد چیز جو اس گاڑی میں نصب ہے وہ بیٹری، ٹائرز اور آڈیو یونٹ ہے۔
بکنگ اور قیمت
اس گاڑی کی بکنگ پاکستان میں موجود 14 ڈیلرشپس پر اِس وقت جاری ہے۔ کِیا 4 سال یا 1,00,000 کلومیٹرز کی وارنٹی بھی پیش کر رہا ہے۔ قیمت کے معاملے میں پکانٹو کا مینوئل ویرینٹ 19 لاکھ کا ہے جبکہ آٹومیٹک ویرینٹ تقریباً 20 لاکھ روپے کا ہے۔ دلچسپی رکھنے والے گاہک اس گاڑی کو آدھی قیمت پر بک کروا سکتے ہیں اور اکتوبر 2019ء میں ڈلیوریز کا آغاز ہو جائے گا۔
پڑھنے کا بہت شکریہ۔ ہم بہت جلد اس گاڑی کو استعمال کرنے کے بعد اس کا عملی جائزہ پیش کریں گے۔ تب تک پاک ویلز کے ساتھ رہیے۔
