ماسٹر موٹرز نے 2 ستمبر کو لاہور ایکسپو سینٹر میں منعقد ہونے والے انٹرنیشنل انجینئرنگ اینڈ مشینری ایشیا ایکسپو 2018ء میں چار چینگن گاڑیوں کی رونمائی کی جو جلد ہی مارکیٹ میں پیش کی جائیں گی۔
حکومت سے گرین فیلڈ انویسٹمنٹ اسٹیٹس ملنے کے بعد، ماسٹر موٹرز نے 29 جون 2018ء کو چینگن موٹرز سے باضابطہ طور پر پارٹنرشپ معاہدے پر دستخط کرتے ہوئے مقامی مارکیٹ میں چار گاڑیاں لانچ کرنے کا اعلان کیا تھا۔
فی الحال، 15 ستمبر 2018ء کو دو پک اپ گاڑیاں M8 اور M9 اور ایک MPV کاروان لانچ کی جائے گی، جبکہ SUV کو 2020ء میں پیش کیا جائے گا۔
اگرچہ ابھی کمپنی نے قیمتوں کا اعلان نہیں کیا ہے، لیکن توقع کی جارہی ہے کہ MPV کاروان کی قیمت دس لاکھ روپے کے قریب ہوگی، جبکہ M8 اور M9 کی قیمتیں بالترتیب ساڑھے آٹھ لاکھ اور نو لاکھ روپے ہوں گی۔
نمائش میں، پاک ویلز ڈاٹ کام سے بات کرتے ہوئے CEO دانیال ملک نے امید ظاہر کی کہ چینگن کی یہ مصنوعات مقامی آٹو انڈسٹری میں بہترین کارکردگی کا مظاہرہ کریں گی کیونکہ وہ بہت سی خصوصیات سے لیس عمدہ گاڑیاں خاصی معقول قیمتوں پر متعارف کروا رہے ہیں۔
انھوں نے حکومت کی آٹو پالیسی 2016-21 کی بھی تعریف کی اور کہا کہ یہ عمدہ پالیسی نئے آٹومیکرز کو کسی قسم کی رکاوٹوں کے بغیر موثر طریقے سے کام کرنے میں مدد دے رہی ہے۔ البتہ، ان کا کہنا تھا کہ آٹو پالیسی کے ثمرات سے بھرپور فائدہ اٹھانے کے لیے اس کا تسلسل کلیدی حیثیت رکھتا ہے۔
جب ان سے پوچھا گیا کہ وہ سیڈان سیگمنٹ کی طرف توجہ کیوں نہیں کر رہے تو CEO نے دعوے سے کہا کہ وہ پاکستانیوں کے لیے بالکل نئی SUV لانچ کر رہے ہیں جو قیمت میں سیڈان گاڑیوں کے برابر ہوگی، چنانچہ عوام صرف سیڈان گاڑی کی قیمت میں SUV کی سواری سے لطف اندوز ہوسکیں گے۔
ہر گاڑی کی تکنیکی تفصیلات ذیل میں درج ہیں:
کاروان MPV
M8 – پک اپ
M9 – پک اپ
مذکورہ بالا خصوصیات دیکھی جائیں تو لگتا ہے کہ ماسٹر موٹرز ان تین چینگن گاڑیوں کو براہِ راست FAW گاڑیوں کے ساتھ مقابلے پر پیش کر رہا ہے، کیونکہ پرائس ٹیگ بھی نسبتاً ایک جیسا ہی ہے۔ M8 اور M9 کا مقابلہ FAW کے کیریر اسٹینڈرڈ اور کاروان کا براہِ راست مقابلہ FAW X-PV Dual AC سے ہوگا۔
چینگن آٹوموبائلز چینی گاڑی ساز کمپنی ہے جو چین میں ہائی-اینڈ SUVs اور سیڈانز تیار کرنے کے لیے معروف ہے۔ واضح رہے کہ کمپنی مقامی آٹو انڈسٹری میں 100 ملین امریکی ڈالر کی سرمایہ کاری بھی کرے گی۔
SUV کے لیے درج ذیل گیلری ملاحظہ کیجیے۔
