گزشتہ ماہ حکومت پاکستان کی جانب سے جاری کردہ ایس آر او 1035(1)/2017 نے مقامی مارکیٹ میں ابہام کی فضا پیدا کردی تھی۔ بہت سے لوگوں نے اس ایس آر او کو اپنی سمجھ کے مطابق سمجھا، من مانی تشریح کی اور اور غصے میں اس قدر واویلا مچایا کہ اس نوٹیفکیشن کی اصل حقیقت دب کر رہ گئی۔ پاک ویلز پر ہم نے اس ایس آر او کا مطالعہ کیا اور لوگوں کو بتایا کہ اس سے ہم نے کیا سمجھا ہے۔ دیگر لوگوں کی طرح گاڑیاں فروخت کرنے والے اداروں نے بھی اس پر رائے دی جن میں مرسڈیز بینز، پورشے اور بی ایم ڈبلیو بھی شامل ہیں۔ ان اداروں کا موقف یہ ہے کہ مذکورہ ایس آر او سے صرف وہی ادارے متاثر ہوئے ہیں جو نئی گاڑیاں درآمد کر کے پاکستان میں فروخت کر رہے ہیں۔
ڈاؤن لوڈ کریں: پاک ویلز موبائل ایپ
اس ضمن میں بی ایم ڈبلیو، آوڈی اور پورشے پاکستان نے تو عدالت تک سے رجوع کرلیا ہے۔ ان کا موقف ہے کہ حکومت کا جاری کردہ ایس آر او قاعدے و قوانین کی خلاف ورزی ہے۔ اب دیکھنا ہے کہ عدالت اس ضمن میں کیا فیصلہ سناتی ہے۔ مزید برآں ان اداروں نے یہ بھی کہا ہے کہ اس ایس آر او کے باعث ان گاڑیوں کی قیمتوں میں بھی اضافہ ہوگا جو تیار شدہ حالت میں بیرون ممالک سے منگوائی جاتی ہیں۔ یہی وجہ ہے کہ اب سے چند روز قبل آوڈی پاکستان نے گاڑیوں کی قیمتوں میں تبدیلیاں کی اور اب مرسڈیز نے بھی انہی کے نقش قدم پر چلتے ہوئے مرسڈیز گاڑیوں کی نئی قیمتیں جاری کردی ہیں۔
مرسڈیز بینز C کلاس، E کلاس اور S کلاس کی نئی قیمتیں درج ذیل ہیں:
- سادہ ماڈل – 68 لاکھ روپے
- ایونٹ گریڈ – 75 لاکھ روپے
- ایکسکلوسیو – 75 لاکھ روپے
- اے ایم جی، باڈی کٹ پیکج – 83 لاکھ روپے
- سادہ ماڈل – 1 کروڑ 24 لاکھ روپے
- ایونٹ گریڈ – 1 کروڑ 36 لاکھ روپے
- ایکسکلوسیو – 1 کروڑ 36 لاکھ روپے
- اے ایم جی، باڈی کٹ پیکیج – 1 کروڑ 45 لاکھ روپے
- اے ایم جی، باڈی کٹ پیکیج – 2 کروڑ 45 لاکھ روپے
- جی ایل ایس 400 – 2 کروڑ 80 لاکھ روپے
- جی ایل ایس 500 – 3 کروڑ روپے
