مٹسوبشی کا شمار گاڑیاں بنانے والے ان اداروں میں کیا جاتا ہے جنہوں نے ماضی میں شاندار کامیابیاں اور مقبولیت حاصل کی تاہم گزشتہ دہائی سے ان کی کشتی ڈوبتی ہوئی نظر آرہی ہے۔ اس کی مثال کار ساز ادارے کے ان فیصلوں سے لی جاسکتی ہے جس میں معروف برانڈز کو بند کیا جانا شامل ہے۔ ان برانڈز میں مشہور زمانہ مٹسبوشی لانسر ایوو سب سے زیادہ قابل ذکر ہے۔ اور اب ادارے کی تیار کردہ گاڑیوں میں انجن کے مسائل نے سر اٹھایا ہے جس کے بعد مٹسوبشی نے لگ بھگ 5 ہزار گاڑیوں کو واپس منگوا کر خرابی دور کرنے کا فیصلہ کیا ہے۔
مٹسوبشی آسٹریلیا نے 48000 گاڑیاں واپس منگوائی ہیں جن میں لانسر، اے ایس ایکس اور آؤٹ لینڈر ماڈلز شامل ہیں۔ ان جاپانی گاڑیوں کے اندر درجہ حرارت میں اضافے کے باعث دوران سفر انجن بند ہوجانے کے خدشات ہیں۔ جن گاڑیوں کے مالکان کو فوری طور پر ادارے سے رابطہ کرنے کا کہا گیا ہے ان میں لانسر (CJ اور CF)، 15-16 ماڈل، اے ایس ایکس (XB) 15-15.5 ماڈل اور آؤٹ لینڈر (ZJ اور ZK) 14 اور 16-17 ماڈل شامل ہیں۔
Download PakWheels App
ادارے کا کہنا ہے کہ یہ مسئلہ ریلیز سے متعلق ہے جو دوران سفر بہت زیادہ گرم ہوجاتے ہیں اور اس کے نتیجے میں انجن بند ہوسکتا ہے۔
