آج کے دور میں سڑکوں پر عوام کی حفاظت ایک مسئلہ ہے۔ ملک میں ہر سال ہزاروں افراد ٹریفک حادثات میں جان سے ہاتھ دھو بیٹھتے ہیں، یوں نہ صرف انفرادی سطح پر خاندانوں کو ناقابلِ تلافی نقصان پہنچتا ہے بلکہ ملک اہم انسانی وسائل سے محروم ہو جاتا ہے۔ دنیا بھر میں حکومتیں ہر سال حادثات میں زخمی ہونے والوں کے علاج اور بہبود پر اربوں خرچ کرتی ہیں۔ ساتھ ہی عوام کو احتیاطی تدابیر سے آگاہ کرنے کی بھی سخت ضرورت ہے۔ اس ضمن میں سخت قوانین کا بھی نفاذ کیا گیا ہے اور حکومتِ پنجاب کی جانب سے شہریوں کی حفاظت یقینی بنانے کے لیے متعدد اقدامات بھی اٹھائے جا رہے ہیں۔
خبروں کے مطابق وزیر اعلیٰ پنجاب نے پنجاب کے تمام شہریوں کے لیے موٹر سائیکل ایمبولنس سروس کی توثیق کر دی ہے۔ کسی بھی ہنگامی صورت حال میں موٹر سائیکل ایمبولنس پیرامیڈک یعنی نیم طبّی عملے کے ایک رکن کی مریض تک فوری رسائی کو ممکن بناتی ہے؛ یا اسے مریض کو ہسپتال لے جانے کے لیے ایک ٹریلر یا سائیڈ کار کے ساتھ بھی استعمال کیا جاتا ہے۔
اپنے سائز اور کارکردگی کی وجہ سے موٹر سائیکل ایمبولنس ہنگامی صورت حال میں کسی بھی کار، وین یا فائر ٹرک سے زیادہ تیزی سے منزل تک پہنچ سکتی ہے؛ اسی لیے یہ جان بچانے میں مدد، طبی امداد کی موقع پر فراہمی اور ابتدائی طبی امداد کے لیے جائے وقوعہ پر دوسری گاڑیوں سے زیادہ تیزی سے اور آسانی سے پہنچ سکتی ہے۔ خوشی یہ ہے کہ یہ سروس جلد پاکستان میں لانچ کی جا رہی ہے۔
اس کا انتخاب پنجاب ایمرجنسی کونسل کے بیسویں اجلاس کے دوران ہوا کہ جس میں نئی ایمبولنسیں حاصل کرنے کی منظوری دی گئی۔ صوبائی حکومت ایمرجنسی سروس ٹریننگ لینے والے اہلکاروں کو خاص مالی فائدے بھی دے گی۔
اجلاس میں ریسکیو کرنے والے عملے کے معاملات پر زیرِ غور آئے کہ جن میں ان کی مالی رہنمائی اور تحفظ کے منصوبے شامل رہے۔ ایک مشاورتی گروپ مالی و انتظامی توثیق کے لیے حتمی تجاویز جمع کروائے گا۔
وزیر اعلیٰ نے کہاکہ نئے ہارڈویئر اور ایمبولنسوں کے حصول کے لیے نئے معیاری ورکنگ سسٹمز کام میں لائے جائیں گے۔ یوں نئے سامان کے حصول میں غیر ضروری تاخیر کا خاتمہ ہوگا۔
یہ نئی ایمبولنس سروس شہریوں کی حفاظت کی سمت میں ایک اہم قدم ہے اور ہم اس سے پہلے لاہور اور گوجرانوالہ جیسے بڑے شہروں میں “1122” کی جانب سے موٹر سائیکل ایمبولنس دیکھ بھی چکے ہیں۔ یہ طریقہ ایسے علاقوں میں متاثرین کو فوری طبی امداد پہنچانے میں بہت مؤثر اور تیز رفتار ہے کہ جہاں بڑی گاڑیوں کی رسائی نہیں ہوتی۔
اپنے خیالات نیچے تبصروں میں پیش کیجیے۔
