اگر آپ گاڑیوں کے شوقین ہیں اور پلے اسٹیشن بھی رکھتے ہیں تو یقیناً آپ نے گراں تورزمو میں مشہور زمانہ گاڑیوں کے ساتھ ضرور مقابلہ کیا ہوگا۔ گراں تورزمو 1997 میں پیش کیا گیا اور ابتداء ہی سے اس نے بہت مقبولیت حاصل کرلی۔ یہاں تک کہ اب گاڑیاں بنانے والے اداروں نے بھی اس کھیل میں استعمال ہونے والی گاڑیوں جیسے ڈیزائن استعمال کرنے لگے۔ اس کی مثال بوگاٹی کی گراں تورزمو کے تصور پر مبنی گاڑی اور شیورلیٹ سے لی جاسکتی ہے۔ نسان نے بھی گزشتہ سال 2020 وژن گراں تورزمو کا خیال پیش کیا تھا اور اب وہ 44 ویں ٹوکیو موٹر شو میں اس گاڑی کو پیش کرنے جا رہا ہے۔البتہ اس بار نسان نے اس خیالی گاڑی کو ایک نیا رنگ دیا ہے جسے “فائر نائٹ” کہا جا رہا ہے۔ پچھلے سال جب اس گاڑی کا تصور پیش کیا گیا تب وہ بھورے رنگ میں غضب ڈھا رہی تھی۔
وژن گراں تورزمو حقیقی گاڑی جیسی ہی ہوگی البتہ اس میں چند چیزیں اضافی شامل کی جائیں گی۔ یہ موجودہ ‘سُپر کلر’ گاڑی جسے “گوڈذیلا” R35 نسان جی ٹی آر کہا جاتا ہے کا متبادل ہوگی۔ ماحولیاتی تحفظ کے نئے اور سخت قوانین کے بعد موجود جی ٹی آر کا اب اس دنیا میں رہنا ممکن نہیں رہا لہٰذا اسے جدید ماڈل سےبدلہ جا رہا ہے۔ مستقبل کا جدید ماڈل بھی دہرے ٹربو V6 کا حال ہوگا لیکن اس بار اسے ہائبرڈ بنانےکے لیے دو برقی موٹرز بھی لگائی گئی ہیں۔ اس سے نہ صرف یہ R35 سے زیادہ برق رفتار ہوجائے گی بلکہ ماحول دوست بھی بن جائے گی۔
یہ گاڑی گراں تورزمو 6 میں شامل ہوگی۔ اس حوالے سے مزید معلومات نسان 2020 گراں تورزمو پیش کیے جانے کے ساتھ ہی ہم آپ تک پہنچاتے رہیں گے۔ فی الحال آپ اس کی خوبصورت تصاویر سے لطف اندوز ہوں۔
