اپڈیٹ:
پاکستان میں IMC کی جانب سے ٹویوٹا یارِس کے اجراء کے حوالے سے خبریں ایک مرتبہ پھر غلط ثابت ہوئی ہیں۔
گزشتہ کچھ دنوں سے پاکستان میں یارِس کے ممکنہ اجراء کے حوالے سے سوشل میڈیا پر ہنگامہ برپا تھا۔ البتہ پاک ویلز سمجھتا ہے کہ یارِس نہیں بلکہ وِیوس پاکستان میں متعارف کروائی جائے گی۔
یہ افواہ کیسے پھیلی اس کی ایک وجہ یہ ہے کہ وِیوس کو کچھ ممالک میں یارِس کا نام دیا گیا ہے۔ قارئین پر واضح رہے کہ یارِس، جو وِیوس سے بالکل مختلف گاڑی ہے، وِیوس جیسا ہی پلیٹ فارم رکھتی ہے، جبکہ دونوں ٹویوٹا کی جانب سے بنائی جاتی ہیں۔
قبل ازیں:
پاکستان میں ممکنہ طور پر 1.3 لیٹرDOHC، 16 والو مع ڈوئل VVT-i انجن کی حامل ٹویوٹا وِیوس مینوئل یا آٹو ٹرانسمیشن کے ساتھ آمد متوقع ہے جو 100 hp اور 123 Nm ٹارک پیدا کرتا ہے۔ یہ گاڑی چین، بھارت اور تھائی لینڈ جیسے مختلف ممالک میں پہلے ہی فروخت ہو رہی ہے۔ گزشتہ سال PakWheels.com سے بات کرتے ہوئے ایک ٹویوٹا وینڈر نے بتایا تھا کہ کمپنی انہیں وِیوس کے پرزے بنانے کا ہدف دے چکی ہے اور یہ گاڑی اگلے سال مقامی آٹو انڈسٹری میں پیش کی جائے گی۔
یہ افواہیں گردش کر رہی ہیں کہ کمپنی اپنی مشہورِ زمانہ Xli اور GLi ماڈلز کی جگہ وِیوس پیش کرے گا، البتہ اس وقت یقین سے کچھ نہیں کہا جاسکتا۔
مزید برآں، وِیوس کے علاوہ، ٹویوٹا IMC نے پچھلے سال ڈائی ہائٹسو پیروڈوا بیزا بھی درآمد کی۔ یہ ایک ٹیسٹ ڈرائیور ماڈل تھا، جسے کمپنی نے تحقیقی مقاصد اور پاکستان میں سڑکوں پر کارکردگی جانچنے کے لیے درآمد کیا۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
