پاک سوزوکی کراچی میں دوسرا وہیکل اسمبلی پلانٹ لگانے اور سالانہ 1,00,000 مزید گاڑیاں تیار کرنے کا منصوبہ رکھتا ہے۔
26 نومبر 2018ء کو پاکستان میں 20 لاکھ گاڑیوں کی تیاری کے تاریخی موقع پر گلوبل سوزوکی چیئرمین اوسامو سوزوکی نے پاکستان میں سرمایہ کاری کا اعلان کیا۔ منصوبے کے مطابق پاک سوزوکی موٹرز کی کُل سرمایہ کاری 450 ملین ڈالرز کی ہوگی اور دوسرے پلانٹ کے لیے موجودہ سائٹ کے برابر میں ہی 80 ایکڑ کی زمین لے لی گئی ہے۔
حال ہی میں وزیر اعظم کے مشیر برائے تجارت، ٹیکسٹائل، صنعتی پیداوار اور سرمایہ کاری عبد الرزاق داؤد کے ساتھ ایک ملاقات میں پاک سوزوکی نے نئے پلانٹ کے لیے گرین فیلڈ A کیٹیگری فوائد دینے کی بات کی۔
مشیر برائے وزیر اعظم کے نام ایک خط میں پاک سوزوکی نے آٹو انڈسٹری میں اپنے 30 سالہ دور کا حوالہ دیا کہ کس طرح مسافر اور لائٹ کمرشل گاڑیوں کے سب سے بڑے مینوفیکچرر کی حیثیت سے انہوں نے کس طرح پاکستان کی معیشت کو آگے بڑھایا۔
مزید برآں، کمپنی نے 20 لاکھ گاڑیاں بنانے کے اپنے منصوبے کا حوالہ دیا، جو اس سنگِ میل کو حاصل کرنے والا پہلا مقامی آٹومیکر ہوگا۔ “ہم نے یہ مقام صرف آپ کی مستقل اور مربوط پالیسیوں کی کوششوں سے حاصل کیا جن کا نظریہ سرمایہ کاروں کے لیے سازگار کاروباری ماحول کو بہم مہیا کرنا ہے۔”
