پاک سوزوکی نے اپنی گاڑیوں کی قیمتوں میں اضافہ کردیا ہے۔ نئی قیمت یکم مارچ 2018ء سے نافذ العمل ہوگی۔ نئی قیمتوں کے ساتھ گاڑیوں کی پرانی قیمتیں کچھ یوں ہیں:
| ماڈل | نئی قیمت – پاکستانی روپے | پرانی قیمت – پاکستانی روپے |
| سوزوکی مہران VX | 709,000 | 689,000 |
| سوزوکی مہران VXR | 762,000 | 742,000 |
| سوزوکی راوی | 726,000 | 706,000 |
| سوزوکی بولان | 784,000 | 764,000 |
| سوزوکی بولان کارگو | 750,000 | 730,000 |
| سوزوکی سوئفٹ NAV-MT | 1,405,000 | 1,375,000 |
| سوزوکی سوئفٹ NAV-AT | 1,541,000 | 1,511,000 |
| سوزوکی کلٹس VXR | 1,270,000 | 1,250,000 |
| سوزوکی ویگن آر VXL (اپگریڈ) | 1,164,000 | 1,114,000 |
سب ایکس-فیکٹری قیمتیں ہیں۔
سوزوکی پاکستان نے نئی قیمتوں اور ان کے موثر ہونے کی تاریخ کے حوالے سے تمام ڈیلرشپ کو سرکولر جاری کردیا ہے۔
سوزوکی نے فروری کے آغاز میں ویگن آر کی بکنگ روک دی تھی۔ کئی افواہیں اڑ رہی تھیں کہ آخر ادارے نے ایسا کیوں کیا۔ بعد میں ہمیں معلوم ہوا کہ سوزوکی اپنی مشہور ہیچ بیک میں چند ظاہری بہتریاں لا رہا ہے۔ اس سرکولر میں سوزوکی نے ویگن آر کے آخر میں “معمولی تبدیلی” بھی لکھا ہے۔ ہم نے پہلے ہی لکھا تھا کہ ویگن آر کی قیمت میں ممکنہ اضافہ تقریباً 50,000 روپے کا ہوگا اور یہ سچ ثابت ہوا۔
اس فہرست میں کم از کم اضافہ بھی 20,000 روپے کا ہے۔
اس بارے میں اپنی رائے نیچے تبصرے میں ظاہر کریں۔
