جنیوا بیس آئل ٹریڈنگ کمپنی،ٹریفیگوراآج کل چالیس ملین ڈالرز میں ایڈمور آئل مارکیٹنگ کی خریداری کے معاہدہ پر سائن کرنے کی تیاریوں میں مصروف ہے۔ٹریفیگورا،وِٹول کے بعد دنیا کی دوسری بڑی آئل ٹریڈر ہے۔
یہ سوِس ملٹی نیشنل ٹریڈرپاکستانی آئل کمپنی کے اکیاون فیصد شیئرز خریدنے کی تیاریاں مکمل کر چکی ہے،ایڈمور کرچی بیس کمپنی ہے اور پاکستان بھر میں چار سو اکہتر پیٹرول پمپ رکھتی ہے۔
اس بڑی آئل ٹریڈنگ کمپنی کی جانب سے پاکستان میں انویسٹمنٹ پاکستان کے آئل سیکٹر کی مظبوطی کے لئے ایک مثبت پہلو ہے۔
امید کی جا رہی ہے کہ یہ دونوں کمپنیاں 26اگست کو ڈیل سائن کر یں گی۔ایڈمور کے چیف ایگزیکٹِو آفیسر عامر ولی الدین چشتی کا کہنا ہے کہ،سوِس آئل ٹریڈنگ کمپنی پاکستان میں مزید انویسٹمنٹ کرنے کا عظم رکھتی ہے اور اس حوالے سے پاکستان میں غیر ملکی ٹیمیں لانے کا ارادہ بھی رکھتی ہے۔
چشتی بیرونی ممالک کی پاکستان میں انویسٹمنٹ کے بارے میں کا فی پر جوش نظر آر ہے تھے کہ یورپین انویسٹمنٹ پاکستانی آئل مارکیٹنگ انڈسٹری کے لئے ایک خوش آئیند امر ہے۔
