پشاور کے شہری صرف گاڑیاں رکھنے کے شوقین ہی نہیں بلکہ انہیں اپنی پسند اور جدت کے اعتبار سے بہتر بنانے کا بھی ذوق رکھتے ہیں۔ یہ کہا جائے تو غلط نہ ہو گا کہ پشاور کا شمار پاکستان کے ان شہروں میں کیا جاتا ہے جہاں گاڑیوں کے بے شمار برانڈز بہت سی تبدیلیوں کے ساتھ دستیاب ہیں۔ پشاور میں گاڑیوں کے ایسے شوقین موجود ہیں جنہوں نے ٹویوٹا، ہونڈا، ڈائی ہاٹسو کی مختلف گاڑیوں میں دلچسپ تبدیلیاں کی ہیں اور ان کی تخلیق دیکھ کر آپ تعریف کیے بغیر نہیں رہ سکتے۔
مزید پڑھیں: پاک ویلز آٹو شو کی مکمل تفصیلات
پاک ویلز فورم کے بہت پرانے رکن نے پشاور سے تعلق رکھنے والے MadServ@PW کو اپنی ڈائی ہاٹسو شیراڈ میں 4E-FTE ٹربو چارجڈ انجن لگانے میں مدد فراہم کی۔ ایسے بہت سے اراکین ہیں جنہوں نے یہ کام انجام دیا اور وہ ایک طویل عرصے سے پرانی گاڑیاں من پسند جدت کے ساتھ استعمال کر رہے ہیں۔
اس کے علاوہ پاک ویلز فورم کے ایک اور رکن عثمان (usman666@PW) کا تعلق بھی پشاور سے ہے جو نادر و نایاب گاڑیاں جمع کرنے کا مہنگا شوق رکھتے ہیں۔ ان کے پاس ٹویوٹا سوپرا، پورشے بوکسٹر، انٹیگرا کے علاوہ پانچ نسان 350z، کئی مزدا اور SUV گاڑیاں ہیں۔
فیضان (Palaykhan@PW) بھی پاک ویلز فورم پر گاڑیوں میں ترامیم کرنے کے لیے کافی مشہور ہیں۔ انہوں نے گاڑیاں چلانے کے ساتھ ان میں تبدیلیوں کا فن بھی حاصل کیا اور اب تک کئی ہونڈا اور ٹویوٹا گاڑیوں میں 4A-GE انجن لگا چکے ہیں۔ اس کے علاوہ ان کے پاس مزدا Rx7 بھی ہے۔
مزید برآں پرانی گاڑیوں کو زندہ رکھنے کے شوقین طارق عزیز خان بھی یہ کام کر رہے ہیں۔ انہوں نے 1970 کی دہائی میں آنے والی مختصر گاڑی ٹویوٹا سلیکا کو خوبصورت انداز سے آراستہ کر رکھا ہے۔ اس کی تصاویر آپ ذیل میں ملاحظہ کرسکتے ہیں۔
نئی جاپانی گاڑیوں سے لے کر تاریخی یورپی گاڑیوں تک پشاور میں ہر طرح کی گاڑی دستیاب ہے۔ پاک ویلز پشاور کے ہنرمند افراد کو موقع دے رہا ہے کہ وہ اپنی صلاحیتوں کا اظہار کریں اور اپنی گاڑیوں کو عوام کی بڑی تعداد کے سامنے پیش کر کے داد و تحسین حاصل کریں۔ 8 نومبر کو کرکٹ گراؤن، اسلامیہ کالج میں ہونے والے اس پروگرام میں شرکت کر کے یکساں شوق رکھنے والے احباب اپنے تجربات ایک دوسرے کے ساتھ شیئر کرسکتے ہیں اور اپنے دوستوں کی فہرست میں اضافہ بھی کریں گے۔
