پاک سوزوکی نے اپنی چند گاڑیوں کی قیمتوں میں 30,000 روپے تک کا اضافہ کردیا ہے۔ یہ اضافہ یکم مئی سے لاگو ہوگا۔ سوزوکی کلٹس AGS، سوئفٹ DLX NV اور سوئفٹ AT NV کی قیمتوں میں ردوبدل کیا گیا ہے۔
تمام مجاز ڈیلروں کے لیے ایک نوٹیفکیشن میں پاک سوزوکی نے ان گاڑیوں کی نئی قیمتوں کا اعلان کیا۔ 30,000 روپے کا اضافہ مندرجہ ذیل گاڑیوں کی قیمتوں میں کیا گیا ہے۔ جن کی نئی قیمتیں کچھ یوں ہیں:
سوزوکی کلٹس AGS: 16 لاکھ 68 ہزار روپے
سوزوکی سوئفٹ DLX NV: 15 لاکھ 85 ہزار روپے
سوزوکی سوئفٹ AT NV: 17 لاکھ 21 ہزار روپے
گو کہ قیمت میں اضافے کی وجہ بیان نہیں کی کی گئی، لیکن ممکنہ طور پر یہ اضافہ امریکی ڈالر کے مقابلے میں پاکستانی روپے کی گھٹتی ہوئی قدر کی وجہ سے ہوئی ہو۔ یہ بات قابل ذکر ہے کہ اس گاڑی کی ریٹیل قیمت میں ایکس-فیکٹری اور آپ کے ڈیلرشپ تک پہنچانے کے لیے گاڑیوں پر لاگو فریٹ چارجز شامل ہیں۔
وہ افراد جنہوں نے مقررہ تاریخ میں بقایا ادائیگی نہیں کی انہیں نئی قیمت کے مطابق ادائیگی کرنا ہوگی۔
30 مارچ 2019ء کو پاک سوزوکی نے مقامی طور پر تیار ہونے والی اور CBUs دونوں کی قیمتوں میں بالترتیب 40,000 سے 1,00,000 روپے تک کا اضافہ کیا تھا۔ کمپنی جون کے مہینے میں سوزوکی آلٹو 660cc بھی شروع کرنے والی ہے۔ اس کی بکنگ پہلے ہی 5 لاکھ روپے سے شروع ہو چکی ہے۔
ہماری طرف سے اتنا ہی، اپنے خیالات نیچے تبصروں میں پیش کیجیے۔
