لاہور کی ٹریفک پولیس کی جانب سے ہیلمٹ نہ پہننے والے موٹر سائیکل سواروں کے خلاف اقدامات اٹھانے کے بعد سوموار 12 نومبر سے کوئٹہ پولیس نے بھی قانون کی اس خلاف ورزی کرنے والے افراد کو پکڑنے کا فیصلہ کرلیا ہے، ایک مقامی میڈیا ادارے نے بتایا۔
ابتدائی مرحلے میں افسران نے موٹر سائیکل چلانے کے دوران حفاظتی اقدامات کے بارے میں شعور و آگہی فراہم کی اور اب قانون کی خلاف ورزی کرنے والوں کے خلاف سخت ایکشن لیا جائے گا۔ ٹریفک سارجنٹ رانا امجد نے میڈیا ادارے کو بتایا کہ اتھارٹی بغیر کسی امتیاز کے خلاف ورزی کرنے والوں پر سخت کارروائی کرے گی؛ چاہے وہ سرکاری عہدیدار یا کوئی اور۔
لاہور ٹریفک پولیس کافی عرصے سے ٹریفک قوانین کی خلاف ورزی کرنے پر اقدامات اٹھا رہی ہے۔ لاہور ہائی کورٹ کے حکم کے مطابق اتھارٹی کم عمر ڈرائیورز کے خلاف سخت کارروائی کر رہی ہے۔ مزید برآں ٹریفک پولیس یکم دسمبر 2018ء سے موٹر سائیکل پر پیچھے سوار افراد کے ہیلمٹ نہ پہننے پر بھی کارروائی کرے گی۔
ستمبر 2018ء کے اختتام پر اتھارٹی نے ہیلمٹ نہ پہننے والے موٹر سائیکل سواروں کو مال روڈ میں داخل ہونے سے روک دیا تھا اور اس عمل کے دوران ہزاروں خلاف ورزی کرنے والوں کو ٹکٹ جاری کیے گئے تھے۔ موٹر سائیکل سواروں کی حفاظت کو یقینی بنانے کے لیے آہنی اقدامات اٹھائے جا رہے ہیں، ٹریفک پولیس نے ایک عوامی پیغام میں زور دیا۔ مزید یہ کہ دسمبر 2018ء کے بعد بغیر ڈرائیونگ لائسنس کے گاڑیاں چلانے والے یا سرے سے لائسنس ہی نہ رکھنے والے افراد کو سخت جرمانوں کا سامنا ہوگا۔
تازہ ترین خبروں کے لیے PakWheels.com پر آتے رہیے۔
