روڈ سیفٹی کی اہمیت کو اجاگر کرتے ہوئے کریم پاکستان لاہور، کراچی اور اسلام آباد میں موٹر سائیکل سواروں میں ہیلمٹ تقسیم کرنے کی مہم میں ٹریفک پولیس کے ساتھ مل گیا ہے۔
پاکستان میں حادثات روز بروز بڑھتے جا رہے ہیں جو قیمتی جانوں کے ضیاع کا سبب بن رہے ہیں بالخصوص جب معاملہ موٹر سائیکل سواروں کا ہو کہ جو روڈ سیفٹی کے اقدامات سے بے پروائی کرتے ہیں۔ اس صورت حال میں معروف رائیڈ ہیلنگ کمپنی کریم نے لاہور، کراچی اور اسلام آباد کے شہریوں میں شعور اجاگر کرنے کی ایک مہم کا آغاز کیا۔ مہم میں سڑکوں پر سفر کرنے والے موٹر سائیکل سواروں میں ہیلمٹس کی تقسیم شامل تھی۔ کریم نے اپنی مہم کو اس نعرے کے ساتھ نمایاں کیا “سر بچاؤ، جان بچاؤ”۔
پاکستان میں ہر سال ٹریفک حادثات میں 15,000 لوگ مارے جاتے ہیں اور ہر گز حیرت کی بات نہیں کہ تقریباً نصف وہ لوگ ہوتے ہیں جو موٹر سائیکل پر بغیر ہیلمٹ کے سفر کر رہے ہوتے ہیں۔ یہ ظاہر کرتا ہے کہ موٹر سائیکل پر سفر کرتے ہوئے سیفٹی بہتر ضروری ہے۔ سر پر لگنے والی چوٹیں ہمیشہ اموات بڑھانے کا نتیجہ بنتی ہیں۔ حادثے کی صورت میں ہیلمٹ نہ صرف موٹرسائیکل چلانے والے کے لیے بلکہ پیچھے بیٹھے ہوئے فرد کے کی جان بچانے کے لیے بھی اہم ہے، کیونکہ حادثے میں دونوں کی جانوں کو ایک جتنا خطرہ لاحق ہوتا ہے۔ بدقسمتی سے پیچھے بیٹھنے والا شاید ہی کوئی مسافر ہیلمٹ پہنتا ہے۔ ورلڈ ہیلتھ آرگنائزیشن (WHO) کے مطابق موٹر سائیکل کے حادثے کے نتیجے میں اموات یا جسمانی معذوری کا خطرہ ہیلمٹ کے عدم استعمال یا ناقص استعمال سے براہ راست تعلق رکھتا ہے۔ تحقیق یہ بھی ظاہر کرتی ہے کہ ہیلمٹ نہ پہننے والے سوار کسی حادثے کی صورت میں ہیلمٹ پہننے والوں کے مقابلے میں سر پر چوٹ کھانے کا تین گنا زیادہ خطرہ رکھتے ہیں۔
درحقیقت موٹر وہیکل آرڈیننس 1965ء واضح طور پر موٹر سائیکل چلانے والے اور پیچھے سوار دونوں کے لیے ہیلمٹ کے استعمال کی واضح ہدایت دیتا ہے، لیکن سڑکوں پر غیر ذمہ دارانہ رویہ عام دکھائی دیتا ہے۔ کریم کی یہ خاص مہم ٹریفک قوانین کے نفاذ کے لحاظ سے کافی آگے جائے گی۔ اس موقع پر مینیجنگ ڈائریکٹر کریم پاکستان جنید اقبال نے کہاکہ طویل عرصے سے درپیش مسائل کو نمایاں کرنے کے لیے ٹریفک پولیس کا ساتھ دینے پر انہیں بہت فخر ہے۔ بہرصورت سیفٹی ہمیشہ پہلی ترجیح رہنی چاہیے، اور سڑکوں پر تمام لوگوں کو محفوظ بنانے کے لیے ضروری اقدامات اٹھانا چاہئیں۔ زندگی کسی بھی چیز سے زیادہ اہمیت ہے اور اسے بے پروائی کے ساتھ ضائع نہیں ہونا چاہیے۔
انسپکٹر جنرل آف پولیس (IGP) اسلام آباد محمد امیر ذوالفقار خان کا کہنا تھا کہ وہ اس منصوبے میں تعاون اور موٹر سائیکل چلاتے ہوئے ہیلمٹ پہننےکی اہمیت کو اجاگر کرنے پر کریم پاکستان کے بہت شکر گزار ہیں۔
ٹریفک پولیس کے ساتھ کریم پاکستان کے تعاون کو سراہنا چاہیے۔ ٹریفک قوانین ہماری حفاظت کے لیے بنے ہیں؛ اس لیے ہمیں بے پروائی کی وجہ ےس جانوں کے ضیاع کو روکنے کے لیے سڑکوں پر اپنی ذمہ داری کو محسوس کرنا ہوگا اور سیفٹی کو ترجیح دینا ہوگی۔
ہماری طرف سے اتنا ہی۔ اپنے خیالات نیچے تبصروں میں پیش کیجیے۔ تازہ ترین خبروں کے لیے پاک ویلز پر آتے رہیے۔
