PakWheels.com جلد ہی دنیا کی چھت پر ڈیزرٹ ریلی کا مسلسل تیسرا مرحلہ لائے گا۔ سرفہ رنگا ڈیزرٹ ریلی کے نام سے مشہور PakWheels.com تیسری سرفہ رنگا ڈیزرٹ ریلی پہلے سے کہیں زیادہ بڑی اور بہتر ہوگی۔
آپ کو یادہوگا کہ PakWheels.com دوسری سرفہ رنگا ڈیزرٹ ریلی 2 ستمبر 2018ء کو مکمل ہوئی تھی۔ اس تین روزہ ایونٹ نے پاکستان بھر کے بہترین ریلی ڈرائیورز کو دنیا کے بلند ترین سرد صحرا میں مقابلہ کرتے دیکھا۔
سیاحت کے فروغ کی حکومتی پالیسیوں کے مطابق سرفہ رنگا ڈیزرٹ ریلی مقامی میلوں اور پولو میچز کے ساتھ آتی ہے، جو نہ صرف علاقے کے ہزاروں سیاحوں کی بلکہ سینکڑوں غیر ملکیوں کی توجہ بھی اپنی جانب مبذول کرواتے ہیں۔
سرفہ رنگا ڈیزورٹ ریلی کی سب سے اہم بات اس کے چیلنجنگ ٹریکس ہیں۔ نرم ریت، کنکروں اور پانی کی حامل گزرگاہوں جیسے مقامات کے ساتھ سرفہ رنگا ڈیزرٹ ریلی بلاشبہ کسی تجربہ کار ڈرائیور کے لیے بھی سب سے زیادہ چیلنجنگ ہوگی۔ اور اسی لیے یہ ملک بھر سے بہترین ڈرائیورز ہی کی توجہ حاصل کرتی ہے۔
گزشتہ سال ایونٹ میں 80 ڈرائیورز اور 12 بائیکرز نے حصہ لیا تھا۔ اس سال ایونٹ کہیں زیادہ تعداد کی توجہ حاصل کرنے کا منصوبہ رکھتا ہے۔ اور بالکل پچھلے سال ہی کی طرح PakWheels.com کے چیئرمین سہیل منج کے ساتھ مقامی اہم شخصیات اور عہدیداران بھی وہاں موجود ہوں گے۔
