پاک سوزوکی نے مقامی طور پر بنائی گئی پہلی 660cc انجن کی کار PAAPAM کے زیرِ اہتمام منعقدہ پاکستان آٹو پارٹس شو (PAPS) میں پیش کی۔ سوزوکی آلٹو 660cc ممکنہ طور پر جون میں پیش کی جائے گی لیکن اس کا پہلا نظارہ ابھی کرایا گیا ہے۔
گو کہ گاڑی کی تفصیلات و خصوصیات کا اعلان ہونا باقی ہے، امکان ہے کہ سوزوکی 660cc آلٹو کے تین ممکنہ ویریئنٹس ہوں گے، جن میں شامل ہیں:
سوزوکی آلٹو VX (بغیر AC کے)
سوزوکی آلٹو VXR (AC کے ساتھ)
سوزوکی آلٹو VXL AGS (AC اور آٹو گیئر شفٹ کے ساتھ)
وڈیو:
‘2019ءکی سب سے بڑی پیشکش’
پاک سوزوکی نے اسے ‘2019ء کی سب سے بڑی پیشکش’ قرار دیا اور ایونٹ میں شرکت کے لیے سب کو مدعو کیا۔
ایک فیس بک پوسٹ میں کمپنی نے کہا کہ ” سال کی سب سے بڑی پیشکش ! سوزوکی پاکستان کی بالکل نئی آلٹو 660cc ایکسپو، سینٹر کراچی میں PAPS 2019کے دوران۔”
پاک سوزوکی دعویٰ کرتا ہے کہ وہ ایندھن بچت کرنے والی اور جدید ڈیزائن کی حامل کشادہ گاڑی پیش کر رہا ہے۔ کمپنی 3 سال یا 60,000 کلومیٹر کی وارنٹی دیتی ہے۔ 14 جون 2019ء تک ابتدائی 3,000 خریداروں کو تعارفی قیمت پر ترجیحی ڈلیوری دی جائے گی۔
آلٹو کا پہلا نظارہ PAPS 2019:
تفصیلات و خصوصیات:
پاک ویلز نے ڈسپلے پر موجود آلٹو 2019ء کے VXL ماڈل کا جائزہ لیا کہ جس میں آٹو گیئرشفٹ (AGS) اور اینٹی لاک بریکنگ سسٹم (ABS) موجود ہیں۔ یہ ٹیکنالوجی پہلے ہی سوزوکی کلٹس میں موجود ہے۔ اس میں دو ایئربیگز بھی ہیں۔ آلٹو کے کسی ویریئنٹ میں الائے رِمز نہیں ہیں۔ آلٹو VXL کے دروازوں، کھڑکیوں اور انٹیریئر کا معیار سوزوکی ویگن آر اور کلٹس کے اعلیٰ ویریئنٹس جیسا لگتا ہے۔
دوسری جانب آلٹو 2019ء کے VX ویریئنٹ میں AC، پاور اسٹیئرنگ، پاور ونڈوز اور دیگر فیچرز نہیں ہوں گے۔ سوزوکی آلٹو VXR ویریئنٹ میں AC ہوگا لیکن دیگر خصوصیات یقینی نہیں۔
ممکنہ لانچ اور قیمت
ان سوزوکی 660cc آلٹو 2019ء ویریئنٹس کی بکنگ 5 لاکھ روپے سے شروع ہو چکی ہے۔
پاک سوزوکی ممکنہ طور پر جون 2019ء میں آلٹو ویریئنٹس متعارف کروائے گا۔ اس لانچ کے دوران سوزوکی 660cc آلٹو کی قیمتیں ظاہر کی جائیں گی۔ اندازوں کے مطابق سوزوکی آلٹو 2019ء ویریئنٹس کی قیمتیں 9.65 لاکھ روپے شروع ہوں گی اور 12 لاکھ روپے تک جا سکتی ہیں۔
ہم نے پہلے بتایا تھا کہ پاک سوزوکی نے پاکستان میں 660cc آلٹو کی پیداوار شروع کردی ہے۔ کمپنی نے 30 سال بعد اپنی مشہورِ زمانہ 800cc ہیچ بیک مہران کا خاتمہ کیا جو کمپنی کی سب سے زیادہ فروخت ہونے والی گاڑی تھی اور اپنے صارفین کے لیے سوزوکی آلٹو 660cc لا رہی ہے۔
سوزوکی آلٹو اس وقت اپنی 8ویں جنریشن میں ہے اور پاکستان میں بھی وہی 8ویں جنریشن کی صورت پیش کی جا رہی ہے، لیکن فیچرز مختلف ہو سکتے ہیں۔ ہو سکتا ہے ہمیں JDM آلٹو میں دستیاب فیچرز نہ ملیں کہ جو لوگ ویسے ہی باہر سے درآمد کر رہے ہیں۔ بہرحال، پہلے سے کچھ بھی کہنا قبل از وقت ہوگا۔
پاک سوزوکی اسے دوسری جنریشن کی سوزوکی آلٹو کہہ سکتا ہے، کیونکہ یہ ماضی میں 1000cc آلٹو پیش کر چکا ہے۔
اب جبکہ جاپانی 8ویں جنریشن آلٹوپاکستان میں ظاہر کی گئی، 9ویں جنریشن کی 660cc ہیچ بیک اکتوبر 2019ء میں جاپان میں پیش ہونا متوقع ہے۔
سوزوکی آلٹو پہلی بار اکتوبر 1979ء میں جاپان میں متعارف کروائی گئی تھی۔ 8ویں جنریشن کی سوزوکی آلٹو نے 2014ء میں عالمی سطح پر آغاز لیا۔ عظیم جاپانی ادارہ رواں سال 9ویں جنریشن کی آلٹو پیش کرکے اس مخصوص ماڈل کی چالیسویں سالگرہ منائے گا۔
آلٹو کا جاپانی ورژن ایئر بیگز، ہیٹڈ سیٹ، انفوٹینمنٹ سسٹمز اور بہترین نشستوں جیسے فیچرز کے ساتھ آتی ہے اور سیفٹی کے لحاظ سے کروز کنٹرول، پارکنگ اسسٹنس، کولیژن وارننگ کے ساتھ؛ جبکہ ہو سکتا ہے پاکستانی ویریئنٹ میں ایسے ہائی-اینڈ فیچرز نہ ہوں۔
جاپانی آلٹو کی خصوصیات و تفصیلات کی فہرست میں شامل ہیں: ٹربو ٹیکنالوجی، اینٹی لاکنگ بریکنگ سسٹم (ABS)، ایئر بیگز، ٹریکشن کنٹرول اور ریڈار بریک سپورٹ/اسسٹ، گرمی کو جذب کرنے والا سبز شیشہ UV کم کرنے کے فنکشن کے ساتھ، ری ٹریکٹ ایبل مررز، پرائیویسی گلاس (آگے اور پیچھے)، ریئر وائپر، کرسٹل ہیڈلائٹس، ڈجیٹل کلائمٹ کنٹرول اور اور فرنٹ پر ہیٹڈ سیٹس۔
اعلانِ دستبرداری: اس تحریر میں پیش کردہ خصوصیات و تفصیلات ڈسپلے کے لیے موجود ماڈل سے مختلف ہو سکتی ہیں۔
PAPS 2019 سے زیادہ بڑی اور بہتر خبریں جاننے کےلیے پاک ویلز پر آتے رہیے۔
