گاڑی میں سفر کے دوران موسیقی سے لطف اندوز ہونے کا رواج کافی پرانا ہے۔ پہلے پہل گاڑیوں میں صرف کیسٹ پلیئر موجود ہوتا تھا جس میں چند مخصوص گانوں پر مشتمل کیسٹ لگا کر لوگ اپنا دل بہلا لیا کرتے تھے۔ پھر جدید گاڑیوں میں سی ڈی اور ڈی وی ڈی پلیئرز اور اس کے بعد USB نے بیک وقت بے شمار گانے اپنے ساتھ رکھنے اور انہیں اپنے مزاج کے مطابق سننے کا موقع فراہم کیا۔
لیکن اس دوران FM ریڈیو سننے کے رجحان نے جتنی شہرت پائی وہ کوئی اور حاصل نہ کرسکا۔ نہ صرف یہ کہ لوگ ایف ایم اسٹیشنز پر نئے گانے شوق سے سنتے ہیں بلکہ اپنے پسندیدہ گانوں کی فرمائش بھی کرتے ہیں۔ یہ مضمون بھی انہی گانوں سے متعلق ہے جنہیں لوگوں نے ایک، دو بار نہیں بلکہ بار بارسننا پسند کیا۔ یہ فہرست پاکستان کے نامور FM نیٹ ورکس اور دگر متعلقہ ذرائع کے فراہم کردہ اعداد و شمار سے ترتیب دی گئی ہے۔
