ہر سال پوری دنیا میں بے شمار موٹر شو ہوتے ہیں۔ یہ لاس اینجلس، ڈیٹرائٹ، ملائیشیا سے لے کر ٹوکیو جاپان تک مختلف جگہوں پر منعقد ہوتے ہیں۔ لیکن اگر آپ دوسرے بہت سے لوگوں کی طرح حقیقی طور پر گاڑیوں سے لگاؤ رکھتے ہیں تو آپ کو جنیوا انٹرنیشنل موٹر شو کا انتظار رہتا ہو گا جو کہ ہر سال مارچ میں منعقد ہوتا ہے۔ یہ وہ جگہ ہے جہاں پوری دنیا سے ہر قسم کے کار ساز اپنے آئیڈیاز اور بالکل نئی گاڑیاں دکھانے کے لیے اکٹھا ہوتے ہیں۔ اس سال کے شو میں مایوسی کے علاوہ بھی بہت کچھ تھا۔ یہاں جنیوا موٹر شو 2017 کی تمام بڑی خبروں کا اعادہ کیا گیا ہے جو شاید آپ سے چھوٹ گئی ہوں۔
فراری 812 سپر فاسٹ:
اس بات میں کوئی شک نہیں کہ اس سال جنیوا موٹر شو کا ستارہ فراری 812 سپر فاسٹ تھی جو کہ بالکل نئی V12 GT ہے جو کہ فراری F12 برلنٹا کا متبادل ہے۔ اگر آپ سوچ رہے ہیں کہ یہ کیسا عجیب نام ہے تو ہمارا یقین کریں کہ آپ ایسے پہلے انسان نہیں ہیں۔ ایسا لگتا ہے کہ دو سال پرانی نام کی سٹریٹجی استعمال کی گئی ہے لیکن یہ چیز اس گاڑی کو عوام کی بہت بڑی تعداد کی توجہ حاصل کرنے سے نہیں روک پائی۔ اگلے بونٹ کے نیچے ایک بالکل نیا 6.5 لیٹر کا V12 انجن ہے جو کہ 789 ہارس پاور اور 530 پاؤنڈ کا ٹارق مہیا کرتا ہے جس کا آر پی ایم 8500 ہے جو کہ 6.5 لیٹر کے V12 انجن کے لیے خود ایک کارنامہ ہے۔ یہ گاڑی 62 میل فی گھنٹہ کی رفتار صرف 2.9 سیکنڈ میں حاصل کر لیتی ہے اور اس کی رفتار کی حد 212 میل فی گھنٹہ ہے۔ اس گاڑی کے سٹائل میں بھی بہت سے تنازعات ہیں لیکن خوبصورتی چونکہ دیکھنے والے کی آنکھ میں ہوتی ہے اس لیے ہم یہ آپ پر چھوڑتے ہیں کہ آپ نیچے کمنٹ باکس میں اس کی خوبصورتی کے بارے میں اظہار خیال کریں۔
لیمبوروگھینی ہراکان پرفارمانٹے:
جنیوا موٹر شو کی دوسری سب سے زیادہ متوقع گاڑی ہراکان پرفارمانٹے ہے۔ یہ وسط انجن والی سوپر کار دائیں بائیں ہر جگہ شہ سرخیوں میں ہے کیوں کہ اس نے حال ہی میں نربرجنگ کا بدنام زمانہ ٹریک ناقابل یقین طریقہ سے 6 منٹ اور 42 سیکنڈ میں مکمل کیا۔ اس طرح اس نے پوشے 918 سپائڈر کا ریکارڈ توڑ دیا جس کا بی ایچ پی 200 تھا اور یہ ہراکان پرفارمانٹے کی نسبت 4 گنا زیادہ مہنگی تھی۔ اس سوپر کار کو سٹینڈرڈ ہراکان پر بہت سے ایئروڈائنمک اور کاسمیٹک اپ گریڈ کر کے بنایا گیا ہے، اس کے پچھلے حصے میں ایک جعلی کاربن ونگ بھی لگایا گیا ہے، اس سب سے ایئر فلو کو بہتر کیا گیا ہے خصوصی طور پر سامنے کے حصے کو۔ اس کی سپیڈ 640 بی ایچ پی ہے جو کہ قدرتی طور پر V10 کی آخری حد ہے۔ یہ گاڑٰی 62 میل فی گھنٹہ کی رفتار صرف 2.9 سیکنڈ میں حاصل کرتی ہے اور لیمبوروگھینی کے دعوی کے مطابق اس کی ٹاپ سپیڈ 202 میل فی گھنٹہ ہے۔
میکلیرن 720 ایس:
بہت زیادہ انتظار کے بعد میکلیرن نے آخر کار اپنی سوپر سیریز کی سیکنڈ جنریشن کی بالکل نئی میکلیرن 720 ایس کی نقاب کشائی کر دی۔ یہ گاڑٰی ہر طرف سے بالکل نئی ہے جس میں ایک نیا بہت ہلکا اور مظبوط کاربن فائبر ٹب لگایا گیا ہے۔ اس میں 4 لیٹر کا ٹوِن ٹربو چارجڈ V8 انجن ہے جو اس کہ پچھلے پہیوں کو 720 بی ایچ پی کی طاقت فراہم کرتا ہے۔ اس وسط انجن والی سوپر کار کا بالکل نیا ڈیزائن ہے جس کے بارے میں میکلیرن کا کہنا ہے کہ یہ بہت کارآمد اور سٹائلش ہے جو کہ نیچے کی طرف دباؤ فراہم کرتا ہے اور اس کے بالکل نئے انجن کو ٹھنڈا رکھتا ہے۔ یہ گاڑی 0 سے 62 میل فی گھنٹہ کی رفتار بجلی کی سی تیزی سے صرف 2.8 سیکنڈ میں حاصل کر لیتی ہےاور اس کی حد رفتار 212 میل فی گھنٹہ ہے۔ میکلیرن کا کہنا ہے کہ ہم 2017 کے آخری کوارٹر میں اس ہائپر گاڑی کو سڑکوں پر دیکھنے کی امید کر سکتے ہیں۔
پیگانی ہوئےرا روڈسٹڑ:
ایسا لگتا ہے کہ مدتیں گزر گئیں جب پیگانی نے زونڈا کے متبادل کے طور پر ہوئے را کو 2011 میں لانچ کیا۔ پیگانی نے ہم سے وعدہ کیا تھا کہ جلد ہی ایک ہوئے را روڈسٹر آنے والی ہے اور آخر کار 6 سال کے طویل انتظار کے بعد اب ہماری آنکھیں اس نئی ہوئے را کی دعوت اڑا سکتی ہیں۔ اگرچہ یہ گاڑی اپنے سے پہلے آنے والی گاڑیوں سے زیادہ منفرد نظر نہ آئے مگر پیگانی کا کہنا کہ یہ سب سے زیادہ مشکل پروجیکٹ تھا جو انہوں نے ابھی تک کیا۔ اس روڈسٹر نے اپنے سے پہلے آنے والی گاڑیوں کی نسبت زرا بھی مظبوطی کھوئے بغیر 40 کلوگرام وزن کم کیا ہے جس سے ہمیں اندازہ ہوتا ہے کہ اس گاڑی پر کس لیول کی انجیئنرنگ کی گئی ہے۔ اس گاڑی میں ابھی بھی 6 لیٹر بائی ٹربو V12 انجن ہے لیکن یہ اب 760 بی ایچ پی کی طاقت فراہم کرتا ہے جو کہ اس سے پہلے آنے والی گاڑی سے 30 بی ایچ پی زیادہ ہے۔ اس نئی روڈسٹر کی قیمت کا آغاز 2.4 ملین پاؤنڈ سے ہوا ہے جو کہ 2017 کے اختتام یا 2018 کے آغاز میں فراہم کی جائیں گی۔
ہونڈا سوک ٹائپ آر:
نئی ہونڈا سوک ٹائپ آر 2017 کی سب سے زیادہ انتظار کروانے والی گاڑی ہے۔ اس کی پچھلی جنریشن نے 2016 میں طوفان برپا کر دیا اور بہت سے موٹر جرنلسٹ نے اسے 2016 کی بہترین گاڑی قرار دیا تو قدرتی طور پر امیدیں بہت بڑھ گئیں کہ ہونڈا اب نئی جنریشن کی سوک میں کیا متعارف کرواتا ہے۔ یہ کہنا غلط نہ ہو گا کہ ہونڈا نے اپنے چاہنے والوں اور اس انڈسٹری میں دلچسپی رکھنے والوں کو مایوس نہیں کیا۔ ٹائپ آر کو ابھی بھی سپائلر کے ساتھ غصہ والا سٹائل دیا گیا ہے جو کہ اس گاڑی پر سے تھوڑا باہر نکلے ہوئے ہیں لیکن اس کے پیچھے ایک بالکل نیا ٹرپل پائپ ایگزاہسٹ لگایا گیا ہے۔ اس کی طاقت ابھی بھی ایک 2 لیٹر ٹربو چارجڈ انجن سے آتی ہے جو کہ اسے 316 بی ایچ پی کی پاور اور 296lb-ft کا ٹارق مہیا کرتا ہے۔ یہ 62 میل فی گھنٹہ کی رفتار 5 سیکنڈ سے بھی کم وقت میں حاصل کر لیتی ہے جبکہ اس کی حد رفتار 160 میل فی گھنٹہ ہے۔ ہونڈا نے اس مرتبہ ٹائپ آر میں مزید سٹینڈرڈ کٹ فٹ کی ہیں جن میں 520 واٹ کے 12 سٹیریو سپیکر اور ایک 7 انچ کی ٹچ سکرین بھی شامل ہیں۔ اور تمام شوقین یہ جان کر خوش ہوں گے کہ یہ گاڑی صرف ایک طرح کے پرانے زمانے کے 6 سپیڈ مینوئل گیئر باکس کے ساتھ آتی ہے۔ ٹائپ آر کی فروخت کا جلد ہی آغاز ہو جائے گا اور اس میں پہلی گاڑی جیسا کیا کچھ ہے ایسی بہت سی باتیں ہمیں ابھی اس میں دیکھنے کی ضرورت ہے۔
