ٹویوٹا نے پرجوش مزاجوں کے لیے پیش کی گئی سایون برانڈ کو بند کرنے کا آغاز تو کردیا ہے لیکن اس کے نام سے پیش کی جانے والی گاڑیوں کو بالکل نظر انداز نہیں کیا۔ ماضی میں سایون کے نام سے منسلک گاڑیاں اب مستقبل میں دنیا کے مختلف ممالک میں ناموں سے پیش کی جاتی رہیں گی۔اس سے پہلے ہم نے قارئین کو بتایا تھا کہ مزدا 2 سیڈان کو شمالی امریکا میں ٹویوٹا یارس سیڈان کے نام سے پیش کیا جارہا ہے اور اب خبریں موصول ہورہی ہیں یورپ میں ٹویوٹا کرولا (Toyota Corolla) کے خاندان میں بھی نئی ہیچ بیک کا اضافہ ہونے جا رہا ہے۔
یہ بھی پڑھیں: مشہور ہیچ بیک ٹویوٹا وِٹز 2016 اب سیڈان طرز پر بھی!
سایون iM اب یورپ میں ٹویوٹا کرولا کے نام سے ہیچ بیک انداز ہی میں پیش کی جائے گی۔ 1800cc انجن کی حامل 137 بریک ہارس پاور والی ٹویوٹا کرولاہیچ بیک میں CVT یا 6-اسپیڈ مینوئل ٹرانسمیشن شامل ہوگا۔ یورپ میں ہیچ بیک گاڑیاں کافی مقبول ہیں جن میں سوزوکی سوفٹ بھی شامل ہے۔ لیکن سوِفٹ اور ووکس ویگن گولف جیسے ناموں کے لیے ٹویوٹا کرولا کچھ زیادہ ہی بڑا برانڈ معلوم ہورہا ہے۔
نئی ٹویوٹا کرولا آسان اقساط پر حاصل کرنے کے لیے یہاں کلک کریں
جب ٹویوٹا نے سایون برانڈ کو بند کرنے کا فیصلہ تو اس وقت گاڑیوں کے نام تبدیل کرنے سے متعلق نہیں بتایا گیا تھا۔ ٹویوٹا ڈیویژن گروپ کے نائب صدر نے اس بارے میں کہا کہ جب ہم نے سایو ماڈلز کو ٹویوٹا ہی کے نام سے فروخت کرنے کا فیصلہ کیا تو اس وقت گاڑیوں کا نام تبدیل کرنے سے متعلق سوچا بھی نہ تھا مگر ہماری اسپورٹس کار کی بڑھتی ہوئی مانگ کو دیکھتے ہیں اسے ٹویوٹا 86 کے نام سے پیش کرنے کا فیصلہ ہوا۔ اب دیکھنا ہے کہ صارفین کے اصرار پر نام تبدیل کرنے کے بعد یورپ میں کرولا کی پسندیدگی پر کس طرح اثرا نداز ہوتی ہے۔
