میگا کروزر ایک دیو ہیکل گاڑی تھی کہ جسے ٹویوٹا نے 90ء کی دہائی کے اواخر میں آف روڈنگ کے لیے بنایا تھا۔ یہ ہمَر H1 سے بہت مماثلت رکھتی ہے۔ اسے دراصل فوجی مقاصد کے لیے متعارف کروایا گیا تھا اور تقریباً 3,000 یونٹس فوجی استعمال کے لیے بنائے گئے تھے، جبکہ تقریباً 140 ماڈلز عام استعمال کے لیے بھی تھے۔ ملٹری ورژن کو BXD10 کہا جاتا تھا جبکہ سویلین ورژن کا نام BXD20 تھا۔
میگا کروزر ایک 4-وِیل ڈرائیو گاڑی ہے جو نشستوں کی دو قطاریں رکھتی ہے، جن پر 6 مسافروں کے بیٹھنے کی گنجائش ہے (2 آگے اور 4 پیچھے)۔ اس میں 4.1L کا بڑا 4-سلنڈر ٹربو ڈیزل انجن ہے، جو 3400 rpm پر کُل 153 hp اور 1800 rpm پر 282 lb-ft پیدا کرتا ہے۔ ڈیزل انجن 4-اسپیڈ آٹومیٹک ٹرانسمیشن سے لیس ہے۔
یہ گاڑی 81.7 انچ اونچی، 85.4 انچ چوڑی اور 16.5 انچ کی گراؤنڈ کلیئرنس رکھتی ہے۔ مزید یہ کہ اس کا وِیل بیس 3396 ملی میٹر کا ہے۔ ٹویوٹا نے میگا کروزر کے لیے ہائی رُوف کا آپشن بھی دیا، جس سے انٹیریئر کی گنجائش مزید بڑھ گئی۔ یہ گاڑی 3 ٹن سے زیادہ کا وزن رکھتی ہے۔ اس کے مقابلے میں ہمَر H1 میگا کروزر تقریباً 1 فٹ لمبی ہے اور کچھ انچ اونچی بھی، لیکن وہ مجموعی طور پر ایک ہلکی گاڑی ہے۔
میگا کروزر نے فوجی آپریشنز کے دوران انفنٹری کے لیے نقل و حمل کو آسان بنایا۔ اس کے علاوہ یہ مختصر عرصے کے لیے پولیس اور دیگر امدادی سروسز نے بھی استعمال کی۔ اس نے اپنی حریف گاڑیوں کو سخت ٹکر دی۔ کروزر اپنے نقطہ عروج کو پہنچنے والی گاڑی نہیں تھی، یہی وجہ ہے کہ 2002ء میں اس کی پیداوار روک دی گئی۔
یہ گاڑی زیادہ تر ٹیسٹ ڈیزائن کے لیے بنائی گئی تھی۔ کیونکہ یہ ٹویوٹا کے لیے مالی طور پر ناکام رہی، اس لیے 3،000 یونٹس بنانے کے بعد ٹویوٹا نے بالآخر اس کی پیداوار بند کردی کیونکہ یہ فائدہ پہنچانے کے بجائے اُلٹا نقصان دے رہی تھی۔
