عام روایتی گاڑیوں کی بات ہو تو ہائبرڈ ٹیکنالوجی کے استعمال میں ٹویوٹا کا نام سرفہرست ہے۔ ٹویوٹا پرایئس بلاشبہ دنیا کی کامیاب ترین ہائبرڈ گاڑیوں میں سے ایک ہے۔ ٹویوٹا کو اپنی ہائبرڈ ٹیکنالوجی پر اتنا ناز ہے کہ اس نے اس مرتبہ ٹویوٹا سنچری لگژری سیڈان کی تیسری جنریشن کو بھی اس ٹیکنالوجی کے ساتھ پیش کیا ہے۔ اور اب ٹویوٹا نے گاڑٰوں کے نئے تصور میں اپنی ہائبرڈ ٹیکناوجی شامل کرنے کا آغاز کردیا ہے۔ ٹویوٹا جاپان نے جمعہ کے روز ٹوکیو موٹر شو میں دو نئی گاڑیوں، ٹویوٹا جی آر ایچ اسپورٹس کانسیپٹ اور ٹویوٹا ٹی جے کروزر کراس اوور کانسیپٹ، پیش کی ہیں۔
Download PakWheels App
جی آر ایچ وی اسپورٹس مین جی آر سے مراد گیزو ریسنگ ہے جو کہ ٹویوٹا کی موٹر اسپورٹس گاڑیاں بنانے کا شعبہ ہے۔ دوسری طرف ٹی جے میں ٹی سے مراد “ٹول باکس” اور جے سے مراد “جوائے” ہے۔
ٹویوٹا جی آر ایچ وی اسپورٹس کانسیپٹ، جیسا کہ نام سے ظاہر ہے ایک اسپورٹس کار کا تصور ہے جس کا مجموعہ انداز ٹویوٹا 86 اسپورٹس کوپے سے متاثر ہے۔ البتہ اگر اسے سامنے سے دیکھیں تو یہ موجودہ 86 ماڈل سے بہت زیادہ مختلف ہے۔ گاڑی کے اس تصور کے اوپر ٹویوٹا کا ٹارگا موجود ہے جو کہ ٹویوٹا سپرا سے میل کھاتا ہے۔ تاہم انجن کی بات کریں تو یہاں کہانی یکسر مختلف ہوجاتی ہے۔ جی آر ایچ وی اسپورٹس کے نمونے میں ٹویوٹا لی مینز اور ڈبلیو ای سی ریسنگ TS050 ریس کار میں موجود انجن شامل کیا گیا ہے۔
دوسری گاڑی ٹویوٹا ٹی جے کروزر کراس اوور کانسیپٹ ہے۔ اس سے قبل ٹویوٹا C-HR کے ساتھ کراس اوور کے زمرے میں قدم رکھ چکا ہے۔ تاہم ٹی جے کروزر کراس اوور میں قدرے مختلف راستہ چنا ہے۔ ٹویوٹا نے دراصل ایک ایسی گاڑی بنانے کی کوشش کی ہے جو نہ صرف SUV بلکہ ایک وین کے طور پر بھی استعمال کی جاسکے۔ دوسرے لفظوں میں گاڑی کا منتوع استعمال کا عنصر نمایاں ہے۔ تاہم جی آر ایچ وی اسپورٹس کاسیپٹ کے برعکس ٹی جے کروزر کراس اوور کانسیپٹ کو صرف 2000cc ہائبرڈ انجن کے ساتھ پیش کیا گیا ہے۔
کیا ان گاڑیوں کا تصور حقیقت کا روپ دھار پائے گا؟ یہ تو آنے والا وقت ہی بتائے گا۔ لیکن ایک بات تو ظاہر ہے کہ یہ گاڑیاں دیکھنے میں واقعی شاندار ہیں۔
