ترک کمپنیوں کے گروپ TOGG کے آغاز سے پہلے ترکی زیادہ تر غیر ملکی آٹومیکرز پر انحصار کرتا تھا۔ اب حالات بدل رہے ہیں کیونکہ TOGG نے پہلی مکمل طور پر ترکی میں تیار کردہ الیکٹرک SUV پیش کر دی ہے۔ اطالوی ڈیزائن فرم Pininfarina کی مدد کے علاوہ نئی الیکٹرک گاڑی مکمل طور پر ترکی میں ہی تیار کی گئی ہے۔ ترکی اس ٹیکنالوجی پر کام کرکے مستقبل میں ٹیسلا جیسے اداروں کا مقابلہ کرنے کا ہدف بھی رکھتا ہے۔ بہترین الیکٹرک گاڑی بنانے کی دوڑ اب بہت تیز ہو گئی ہے۔ پورشَ اور آؤڈی جیسے اہم ادارے بھی مختلف گاڑیاں پیش کرکے میدان میں کود پڑے ہیں۔ نئی SUV چارجنگ کے لیے درکار ضروری بنیادی ڈھانچہ کھڑا ہونے کے بعد 2022ء میں باضابطہ طور پر پیش کی جائے گی۔ قیمت کے بارے میں ابھی تک کوئی معلومات منظرِ عام پر نہیں آئی۔ TOGG ایک الیکٹرک سیڈان پر بھی کام کر رہا ہے جو مستقبل میں لانچ کی جائے گی۔ اس الیکٹرک کراس اوور SUV کی رونمائی کے تقریب میں ترک صدر موجود تھے۔
ایکسٹیریئر
اس الیکٹرک SUV کا بیرونی ڈیزائن اطالوی ڈیزائن کمپنی Pininfarina نے تیار کیا ہے۔ یہ ڈیزائن اناطولیائی ثقافت سے متاثر ہوکر بنایا گیا ہے۔ اناطولیہ کی قدیم علامات میں سے ایک ٹیولپ کا پھول یعنی گلِ لالہ ہے۔ SUV کی فرنٹ گرِل اور رِمز کا ڈیزائن انداز اسی پھول سے متاثر ہوکر بنایا گیا ہے۔ یہ پہلو TOGG کی نئی SUV کو واقعی ایک ترک گاڑی بناتے ہیں۔ اس میں تیز اور نمایاں لائنیں ہیں جو اس گاڑی کو ایک طاقتور اور مضبوط احساس دیتی ہیں۔ ایکسٹیریئر میں کئی کروم ٹرِمز بھی شامل ہیں کو اس گاڑی کو پریمیم شکل و صورت دیتے ہیں۔
Yeni Lige yolculuğum başladı…
Teşekkürler Türkiyem!#YeniLigeYolculuk#TOGGhttps://t.co/JKIdgmkU8Y pic.twitter.com/bCa1dtfo8Z— Türkiye’nin Otomobili (@TOGG2022) December 27, 2019
TOGG کے مطابق نئی الیکٹرک گاڑی Congenital Electric Modular Vehicle Platform کی پیروی کرتی ہے۔ یہ پلیٹ فارم TOGG کے انجینئرز نے تیار کیا ہے۔ یہ نیا پلیٹ فارم آرام، مؤثریت، حفاظت اور پائیداری کو بڑھاتا ہے۔ یہ ڈیزائن گاڑی کی چوڑائی اور ویل بیس کو بڑھانے میں مدد دیتا ہے۔ یہ گاڑی میں لیگ رُوم کو بہتر بناتا ہے۔
انٹیریئر
دیگر الیکٹرک گاڑیوں (EVs) کی طرح اس کا انٹیریئر ڈیزائن سادہ لیکن کمال کا ہے۔ مٹیریل کا عرق ریزی اور بڑے پیمانے پر انتخاب اور ہموار ڈیزائن لائز کے ساتھ انٹیریئر خوبصورتی اور سادگی کا حسین امتزاج ہے۔ TOGG کی جانب سے اپنی ویب سائٹ پر پیش کردہ تصاویر کے مطابق ہم انٹیریئر کے اندر کئی ٹچ اسکرینز دیکھ سکتے ہیں جو اسے ایک مستقبل جیسا انداز دیتی ہیں۔ ہم آگے اور پیچھے بیٹھنے والے دونوں مسافروں کے لیے روشنیوں کا انتظام بھی دیکھ سکتے ہیں۔ TOGG کا کہنا ہے کہ یہ ٹیکنالوجی صارف کی سہولت کے لیے ہے اور اس گاڑی کا انٹیریئر بہت کشادہ ہے۔ ڈیش بورڈ کے ایک وسط میں ایک ڈجیٹل انفوٹینمنٹ ڈسپلے اسکرین ہے جس ڈرائیور اور مسافروں کے لیے معلومات سے آگہی آسان بناتی ہے۔ آگے بیٹھنے والے مسافر کے لیے ایک علیحدہ ڈسپلے اسکرین ہے۔ ہیڈ رُوم اور لیگ رُوم کافی ہیں اور پانچ بالغ افراد اس میں باآسانی سفر کرسکتے ہیں۔
گاڑی میں ہولو گرافک اسسٹنٹ بھی موجود ہے جو ڈرائیور کو ضروری و اہم معلومات دیتا رہتا ہے تاکہ وہ اپنی توجہ اور نظریں سڑک پر رکھ سکے۔ ایک تیز رفتار انٹرنیٹ کنکشن دستیاب ہوگا جو ٹریفک کی صورت حال جیسی تازہ ترین معلومات کی فراہمی میں مدد دے گا۔ مالکان کو انٹرنیٹ کے لیے کوئی اضافی ڈیوائس نہیں لگانی پڑے گی۔ انٹرنیٹ کی مدد سے یہ SUV شہر کے اسمارٹ انفرا اسٹرکچر سے منسلک ہو جائے گی۔
#TürkiyeninOtomobili‘ni test ettik.
İnşallah 2022 yılında otomobilimizin seri üretime geçmesiyle birlikte on yıllar boyunca kurmuş olduğumuz hayallere kavuşmuş olacağız.#YeniliğeYolculuk pic.twitter.com/MPq3dX4EQQ
— Recep Tayyip Erdoğan (@RTErdogan) December 27, 2019
کارکردگی
یہ SUV فوری ٹارک دینے والی لیتھیم آیون بیٹری کے ذریعے مکمل برقی ڈرائیونگ پیش کرتی ہے۔ بیٹری کی دو configurations ہیں: ایک 300 کلومیٹرز اور دوسری 500 کلومیٹرز رینج کی بیٹری کا آپشن۔ گاڑی کوئیک چارج ٹیکنالوجی سے لیس ہے، جو 30 منٹ کے اندر 80 فیصد تک چارج کر دے گی۔ یہ SUV ایک آل-ویل-ڈرائیو سسٹم رکھتی ہے جو ٹریکشن اور رفتار کو بہتر بناتا ہے۔ آپ ریئر-ویل ڈرائیو والی گاڑی بھی خرید سکتے ہیں۔ یہ آل-ویل-ڈرائیو گاڑی 400 ہارس پاور کی ہے اور 4.8 سیکنڈزمیں 0 سے 100 کلومیٹر فی گھنٹے کی رفتار پا لے گی۔ ریئر-ویل-ڈرائیو ویرینٹ 200 ہارس پاور رکھتا ہے اور 7.6 سیکنڈز میں 100 کلومیٹرز فی گھنٹے کی رفتار تک پہنچے گا۔
سیفٹی
اس نئی SUV کی باڈی انتہائی مضبوط چیزوں سے تیار کی گئی ہے جو تصادم کے خلاف زبردست طاقت دیتی ہیں۔ گاڑی میں کُل سات ایئربیگز ہیں جو سیفٹی کو بہتر بناتے ہیں۔ TOGG کے مطابق نئی الیکٹرک SUV یورو NCAP 5 اسٹارز سیفٹی معیارات پر بھی پورا اترتی ہے۔ یہ گاڑی آٹھ سال کی وارنٹی کے ساتھ آتی ہے اور اس کی دیکھ بھال پر آنے والی لاگت بھی کم ہے۔ کار سے دھوئیں کا اخراج بھی صفر ہے۔ حفاظت اور آرام کو بہتر بنانے کے لیے TOGG نے اس SUV میں سلو ٹریفک پائلٹ متعارف کروایا ہے۔ سلو ٹریفک پائلٹ ایک نیم خود مختار ڈرائیونگ سسٹم (لیول2) ہے۔ موجودہ سسٹم لیول 3 اور اس سے آگے کی خود مختار ڈرائیونگ پر اپ ڈیٹ بھی کیا جا سکتا ہے۔
مزید معلوماتی خبروں کے لیے آتے رہیے اور TOGG کی نئی الیکٹرک SUV پر اپنے خیالات نیچے تبصروں میں پیش کیجیے۔
تصویر: رائٹرز
