لاہور کے بعد اب کراچی میں ایک اور دل دہلا دینے والا واقعہ پیس آیا ہے۔ خاتون ڈرائیور تیز رفتاری کے باعث گاڑی کا کنٹرول کھو بیٹھی۔ جس کے باعث گاڑی ( ایس یو وی) کارساز کے قریب ایک موٹر سائیکل سمیت دیگر گاڑیوں پر چڑھ دوڑی، جس کے نتیجے میں دو افراد جان کی بازی ہار گئے اور چار زخمی ہوئے۔
واقعہ سروس روڈ پر پیش آیا، جس سے موقع پر ہی ایک باپ اور اس کی بیٹی جاں بحق ہوگئے۔ ایک اور شخص زخمی ہوا اور اسے طبی امداد فراہم کی جارہی ہے جبکہ دیگر میڈیا رپورٹس میں بتایا گیا ہے کہ تیسرا زخمی بھی اسپتال میں دم توڑ گیا ہے۔
عینی شاہدین کے مطابق ایس یو وی اُلٹ گئی اور جائے وقوعہ پر ایک بڑی تعداد میں لوگوں کا مشتعل ہجوم جمع ہوگیا۔ پولیس اور رینجرز کو ہجوم کو کنٹرول کرنے اور ملزم کی حفاظت کو یقینی بنانے کے لیے مداخلت کرنا پڑی۔
خاتون ڈرائیور نتاشا، جو کہ ایک معروف صنعتکار کی قریبی رشتہ دار ہیں، کو قانون نافذ کرنے والے اداروں نے گرفتار کرلیا ہے اور ان سے تفتیش جاری ہے۔ حکام نے مزید انکشاف کیا کہ اس واقعے میں ملوث گاڑی ایک نجی کمپنی کے نام پر رجسٹرڈ ہے۔
یہ انکشاف بھی ہوا ہے کہ خاتون ڈرائیور کے پاس غیر ملکی ڈرائیونگ لائسنس موجود تھا۔ حادثے کے اصل حالات ابھی تک تفتیش کے مراحل میں ہیں، لیکن ابتدائی رپورٹس میں بتایا گیا کہ خاتون کے نشے میں ہونے کی وجہ سے یہ حادثہ پیش آیا لیکن بعد ازاں میڈیکل ٹیسٹ میں ایسا کچھ بھی سامنے نہیں آیا اور اب ان تمام رپورٹس کی تردید ہو چکی ہے۔
اس سے پہلے ڈی ایچ اے لاہور میں، ایک کم عمر ڈرائیور نے اپنی تیز رفتار گاڑی سے 6 سے 7 سات افراد پر مشتمل ایک گاڑی کو ٹکر ماری، جس کے نتیجے میں ایک ہی خاندان کے 6 افراد جاں بحق ہوگئے تھے۔
حال ہی میں پیش آنے والے حادثے میں دو جانوں کا ضیاع نشے میں ڈرائیونگ کے تباہ کن نتائج کی ایک واضح یاد دہانی ہے۔ یہ ہم سب کے لیے ایک انتباہ ہے کہ ہم سڑک پر ذمہ دار کا مظاہرہ کریں۔
