دسمبر 2018ء تک ڈرائیونگ لائسنس حاصل کریں یا جرمانے کا سامنا کریں!

0 160

لاہور ٹریفک پولیس نے اعلان کیا ہے کہ بغیر ڈرائیونگ لائسنس کے گاڑیاں چلانے والے افراد کو دسمبر 2018ء کے بعد بڑے جرمانوں کا سامنا کرنا ہوگا۔

اتھارٹی نے مقامی افراد پر زر دیا ہے کہ وہ قریبی ڈرائیونگ لائسنس سینٹر جائیں اور کسی بھی مسئلے سے بچنے کے لیے جتنا جلدی ہو سکے ڈرائیونگ لائسنس بنوائیں۔ قانون پسند شہری ہونے کا ثبوت دیں، اتھارٹی نے ایک عوامی پیغام میں کہا۔ مزید برآں، ٹریفک پولیس نے سائیڈ مررز نہ لگانے والے موٹر سائیکل سواروں کو بھی خبردار کیا ہے۔ 31 اکتوبر 2018ء کے بعد پولیس سائیڈ مررز نہ لگانے والے افراد سے سختی سے پیش آئے گی۔

گزشتہ ایک ماہ سے لاہور ہائی کورٹ کے حکم کے بعد سٹی ٹریفک پولیس لاہور میں ہر قسم کی ٹریفک خلاف ورزی پر قدم اٹھا رہی ہے۔ اس نے پہلے شہر بھر میں کم عمر ڈرائیورز کے خلاف اقدامات اٹھائے اور ان کے خلاف بھی جو موٹر سائیکل پر بغیر ہیلمٹ کے سفر کر رہے تھے۔

مزید یہ کہ ٹریفک پولیس نے موٹر سائیکل پر پیچھے بیٹھنے والے فرد کو بھی ہیلمٹ پہننے کا کہا ہے، بصورت دیگر، خلاف ورزی کرنے والے کو سخت جرمانوں کا سامنا ہوگا۔ نہ صرف لاہور بلکہ اسلام آباد کی ٹریفک پولیس بھی شہر میں ٹریفک قوانین کی خلاف ورزیوں پر سختی کر رہی ہے۔

ٹریفک پولیس حکام کے ان اقدامات کے حوالے سے آپ کی رائے کیا ہے، نیچے تبصروں میں ضرور پیش کیجیے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.