ہونڈا اٹلس پاکستان میں BR-V کی پری بکنگ کا آغاز کررہا ہے۔

honda-brv-1

ہم ایک بار پھر سے پاکستانی آٹو مارکیٹ کی ایک دلچسپ انفارمیشن کے ساتھ حاضر ہیں۔ جی قارئین جیسا کہ آپ نے سرخی میں پڑھا کہ ہونڈا اٹلس پاکستان میں بی آر وی کی پری بکنگ کا آغاز کر رہا ہے، ہونڈا اٹلس نے ماضی قریب میں اس بات کا اعلان کیا کہ وہ ہونڈا بی آر وی کی پری بکنگ شروع کر رہا ہے۔ نیچے دیا گیا بینر اور ویڈیو اس بات کا ثبوت ہے۔

320x50

تو اس گاڑی کے لانچ میں اتنی جلدی کیا ہے؟ یہ واضع ہے کہ پاک سوزوکی نے اپنے پر ہلائے اور چند ماہ کے وقت میں وتارا اور سیاز گاڑیاں متعارف کروا دیں۔ اس سب سے زیادہ اہم بات یہ ہے کہ پاک سوزوکی کے حکام نے دعوی کیا کہ انہیں اپنے صارفین کی طرف سے انتہائی زبردست حمایت ملی ہے۔ یہ انتہائی واضع ہے کہ لوکل آٹومارکیٹ میں آخرکار مثبت تبدیلیاں آرہی ہیں اور نئے سامایہ کاروں کے مارکیٹ میں داخلے سے پہلے ہر آٹو مینوفیکچرر مارکیٹ میں اپنے شیئرز کو یقینی بنانے کے لیے اقدامات کر رہا ہے۔ جیسا کہ پہلے رپورٹ ہوا کہ ہونڈا بی آر وی کا درج زیل خصوصیات کے ساتھ آنے کا امکان ہے۔
• 1.5L انجن
• 6 سپیڈ CVT-i ٹرانسمیشن
• 7 سیٹس
• کی لیس انٹری
• روف ریلنگ
• الائے وہیلز
اس بات میں کوئی اختلاف نہیں کہ جتنی گاڑیوں کی لانچنگ ہم نے پچھلے چند ماہ میں دیکھی اور نئے کارسازوں کا ملک میں آنے کا امکان اس بات کو یقینی بناتا ہے کہ یہ نہ صرف صارفین بلکہ ملکی معیشت کے لیے بھی انتہائی مثبت چیز ہے۔ ہم امید اور دعا کرتے ہیں کہ پاک چین اقتصادی راہداری ترقی پسند انداز میں اس خطے کو بدلنے کے لیے اپنا سفر جاری رکھے جس سے ہزاروں لوگوں کو آمدنی کے زرائع میسر آئیں گے۔

Top