ہونڈا سِوک 2016ء کا باضابطہ اجرا ہونے میں تو کچھ دن باقی ہیں لیکن ہم اپنے قارئین کے لیے اس نئی سِوک کی چند جھلکیاں پیش کر رہے ہیں۔ شاید یہ چیز ہونڈا کو پسند نہ آئے کہ سِوک 2016ء کو مارکیٹ میں پیش کیے جانے سے ایک ہفتہ پہلے ہی تمام خصوصیات ظاہر ہوجائیں لیکن ہمیں علم ہے کہ ہونڈا کی گاڑیاں پسند کرنے والے بہت سے لوگ اس نئی سِوک کے بارے میں جاننا کے لیے بے تاب ہیں اور یہ مضمون ان ہی کے لیے ہے۔
ہونڈا سِوک کا بیرونی ڈیزائن تقریباً ویسا ہی جیسا ہم نے کچھ روز پہلے آپ کو دکھایا تھا۔ پچھلی جانب انگریزی حرف C کی طرز پر لائٹس ہیں، پہیوں کا ڈیزائن بالکل نیا ہے اور گاڑی کے اوپر نگاہ ڈالیں تو ایک ہموار چمکتی ہوئی چھت آپ کا دل جیت لے گی۔ اس کے علاوہ اگر آپ پاک ویلز پڑھتے رہے ہیں تو بخوبی جانتے ہوں گے کہ نئی سِوک میں 1500 سی سی ٹربوچارڈ انجن 6-اسپیڈ یا پھر سی وی ٹی گیئر باکس کے ساتھ ہوگا۔
نئی ہونڈا سِوک 2016ء کی قیمت 20 سے 25 لاکھ تک ہونے کا امکان ہے۔
