‘فینسی’ نمبر پلیٹوں کی حامل کاروں کے خلاف کراچی ٹریفک پولیس کی مہم

0 61

کراچی ٹریفک پولیس نے ڈیفنس، درخشاں اور کلفٹن سمیت شہر کے مختلف علاقوں میں فینسی نمبر پلیٹوں کے خلاف مہم چلائی۔

تفصیلات کے مطابق پولیس نے اپنی گاڑیوں پر فینسی نمبر پلیٹیں لگانے والے افراد کو 20 ٹکٹس جاری کیے۔ ایک پولیس عہدیدار نے میڈیا سے بات چیت کرتے ہوئے کہا کہ اتھارٹی نے غیر قانونی اور فینسی نمبر پلیٹوں کے حامل ڈرائیورز کے خلاف پہلے ہی انتباہ جاری کیا تھا، اس کے باوجود وہ بدستور ایسی نمبر پلیٹیں استعمال کر رہے تھے جس پر کراچی ٹریفک پولیس افسر نے شہر میں مہم چلائی۔

پولیس نے خلاف ورزی کرنے والوں کے خلاف 2,000 روپے تک کے ٹکٹس جاری کیے۔ واضح رہے کہ اتھارٹی نے ایک سابق وزیر اعلیٰ کے ڈرائیور تک کو جرمانہ کیا۔ عہدیدار کاکہنا تھا کہ یہ ظاہر کرتا ہے کہ کراچی ٹریفک پولیس بلا امتیاز قانون کا نفاذ کر رہی ہے۔ پولیس نے ایک مرتبہ پھر شہریوں کو متنبہ کیا کہ وہ کسی بھی پریشانی سے بچنے کے لیے ایکسائز، ٹیکسیشن اینڈ نارکوٹکس کنٹرول ڈپارٹمنٹ، حکومت سندھ کی جانب جاری کردہ آفیشل نمبر پلیٹیں ہی استعمال کریں۔

مزید یہ کہ سٹی ٹریفک پولیس لاہور نے بھی یکم فروری 2019ء سے گاڑیوں پر غیر قانونی یا فینسی نمبر پلیٹیں استعمال کرنے والوں کے خلاف سخت جرمانوں کا اعلان کر رکھا ہے۔ شہریوں کو ایکسائز، ٹیکسیشن اینڈ نارکوٹکس کنٹرول ڈپارٹمنٹ، حکومت پنجاب کی جاری کردہ نمبر پلیٹیں ہی استعمال کرنا ہوں گی، تاکہ وہ کسی مشکل میں پڑنے سے بچ جائیں، اتھارٹی نے زور دیا۔

مزید برآں، سٹی ٹریفک پولیس آفیسر لاہور نے گاڑیوں میں HID لائٹوں کے استعمال کے خلاف بھی قدم اٹھانے کا فیصلہ کیا۔ واضح رہے کہ چیف ٹریفک آفیسر (CTO) لاہور کے مطابق HID لائٹوں کا استعمال نظر آنے کے مسائل کی وجہ سے غیر قانونی قرار دیا گیا ہے۔

اپنے خیالات نیچے تبصروں میں پیش کیجیے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.