حکومتِ پنجاب مہنگی گاڑیوں پر لگژری ٹیکس کا خاتمہ کردے گی

0 16

حکومتِ پنجاب نے مہنگی گاڑیوں پر لگژری ٹیکس کے خاتمے کا فیصلہ کرلیا ہے تاکہ صوبے میں ایسی گاڑیوں کی رجسٹریشن میں اضافہ ہو، دنیا نیوز نے بتایا۔

تفصیلات کے مطابق مہنگی گاڑیوں اور ٹرکوں پر لگژری ٹیکس لگنے کی وجہ سے لوگ انہیں اسلام آباد سے یا دوسرے صوبوں میں رجسٹر کرواتے ہیں تاکہ حکومت کی جانب سے لگژری ٹیکس کی صورت میں عائد اضافی ادائیگی سے بچ سکیں۔ میڈیا سے گفتگو کرتے ہوئے صوبائی وزیر ایکسائز اینڈ ٹیکسیشن حافظ ممتاز نے کہا کہ اتھارٹی یکساں وقفے کے بعد ٹیکس کا خاتمہ کردے گی جو مئی 2019ء میں مکمل طور پرختم ہو جائے گا۔

اس سے صوبے میں مہنگی گاڑیوں کی رجسٹریشن بڑھانے اور یوں ریونیو میں اضافے میں مدد ملے گی، انہوں نے کہا۔ اب تک حکومت مہنگی گاڑیوں سے لگژری ٹیکس کی صورت میں 3 سے 5 لاکھ روپے لیتی ہے۔

ہم نے اس خبر کی تصدیق کے لیے ایک ایکسائز عہدیدار سے بھی رابطہ کیا اور ان کا کہنا تھا کہ انہیں اس بارے میں کوئی اطلاع نہیں ہے، البتہ، اگر یہ خبر سچ ہے تو تمام شہریوں کو جلد اطلاع دی جائے گی۔

مزید برآں، حال ہی میں ایکسائز ٹیکسیشن اینڈ نارکوٹکس کنٹرول (ET&NC) نے پنجاب انفارمیشن ٹیکنالوجی بورڈ (PITB) کے تعاون سے صوبے بھر میں نئے رجسٹریشن سرٹیفکیٹ کے طور پر ایک اسمارٹ کارڈ کا اجراء کیا۔ اس اسمارٹ کارڈ پر مالک کا نام، موبائل فون نمبر، CNIC نمبر، گاڑی کا چیسس نمبر، انجن نمبر، مالک کا پتہ، گاڑی کی قسم اور باڈی ٹائپ، بنانے والے کا نام، نشستوں کی گنجائش، ہارس پاور، رنگ، کُل وزن، مینوفیکچرنگ کا سال اور ٹوکن ٹیکس کے حوالے سے معلومات وغیرہ درج ہوں گی۔

اپنے خیالات نیچے تبصروں میں پیش کیجیے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.