سندھ پولیس نے ڈرائیونگ لائسنس کا جدید نظام متعارف کروادیا

sindh-police

جعلی لائسنس کے بڑھتے ہوئے رجحان پر قابو پانے کی کوششوں کے سلسلے میں سندھ پولیس نے جدید نظام کو اپنانے کا فیصلہ کیا ہے۔ کمپیوٹرائزڈ ڈرائیونگ لائسنس کے اس جدید نظام کا آغاز سندھ پولیس کے سربراہ اللہ ڈینو خواجہ نے کیا۔ ذرائع کے مطابق ڈرائیونگ لائسنس کا نیا نظام نادرا کے آن لائن سسٹم سے منسلک ہے۔

سندھ پولیس کی جانب سے جدید نظام کے استعمال سے اب ڈرائیونگ لائسنس کی تجدید صرف 15 منٹ میں کروائی جاسکتی ہے جبکہ نئے ڈرائیونگ حاصل کرنے کے لیے زیادہ سے زیادہ 40 منٹ درکار ہوں گے۔ علاوہ ازیں شہریوں کی سہولت کو مدنظر رکھتے ہوئے سندھ پولیس نے ڈرائیونگ لائسنس کی فیس بھی بینک کے ذریعے وصول کرنے کا فیصلہ کیا ہے۔

کراچی کے علاقے کلفٹن میں نئے نظام کی تعارفی تقریب سے خطاب کرتے ہوئے سندھ پولیس کے سربراہ نے کہا کہ جدید نظام کی مدد سے جعلی لائسنس کا تدارک ممکن ہوسکے گا۔ انہوں نے مزید کہا کہ اس نظام سے ایک ہی نشست میں تمام ضروری کام کیے جاسکیں گے جس سے شہریوں کو طویل اور صبرآزما مراحل سے چھٹکارا حاصل ہوجائے گا۔

یہ بھی پڑھیں: اسمارٹ فون سے ڈرائیونگ لائسنس کی تصدیق کا آسان ترین طریقہ


Top