یونائیٹڈ براوو کی نئی قیمت 8,95,000 روپے ہے

0 232

یونائیٹڈ موٹرز نے اپنی 800cc ہیچ بیک، براوو، کی قیمت میں 45,000 روپے کا اضافہ کردیا ہے اور اب اس کی نئی قیمت 8,95,000 روپے ہے۔

مقامی مارکیٹ میں یہ خبریں گردش کر رہی تھیں کہ یونائیٹڈ موٹرز ممکنہ طور پر اپنی گاڑی کی قیمت بڑھائے گا اور یہ خبریں اب سچ ثابت ہوئی ہیں۔ PakWheels.com نے اپنی گزشتہ تحریر میں پہلے ہی قارئین کو بتا دیا تھا کہ کمپنی آئندہ دنوں میں براوو کے نرخ بڑھائے گی۔

واضح رہے کہ ادارے نے ڈالر کے مقابلے میں روپے کی گھٹتی ہوئی قدر کی وجہ سے اپنی مصنوعات کی قیمتیں بڑھائی ہیں۔ PakWheels.com سے بات کرتے ہوئے مقامی براوو ڈیلرز نے زور دیا کہ کمپنی نے صارفین پر بوجھ نہ ڈالنے کی پوری پوری کوشش کی، لیکن روپے کی قدر میں انتہائی کمی کی وجہ سے کمپنی کو مجبوراً یہ فیصلہ کرنا پڑا۔

جو لوگ پہلے ہی مکمل ادائیگی کر چکے ہیں اور ڈلیوری کے منتظر ہیں ان سے ایک پیسہ بھی اضافی نہیں لیا جائے گا۔ یونائیٹڈ موٹرز کے علاوہ دیگر تقریباً تمام ہی کار اور موٹر سائیکل بنانے والے ادارے رواں سال کے آغاز پر اپنی متعلقہ مصنوعات کی قیمتیں بڑھا چکے ہیں۔

حال ہی میں اٹلس ہونڈا نے اپنی موٹر سائیکلوں کی قیمت میں 2,900 روپے تک کا اضافہ کیا۔

یونائیٹڈ براوو کی جائزہ وڈیو ذیل میں دیکھیں:

یونائیٹڈ براوو کے بارے میں مزید جاننے کے لیے PakWheels.com پر آتے رہیے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.