ویگن آر 1.2L تھرڈ جنریشن 23 جنوری کو بھارت میں جاری ہوگی

0 77

گزشتہ ماڈلز کی زبردست کامیابی کے بعد 23 جنوری 2019ء سے سوزوکی ویگن آر کی تیسری جنریشن بھارت میں لانچ ہونے کے لیے تیار ہے۔

ماروتی سوزوکی نے ملک بھر میں ویگن آر کے نئے ماڈلز کی بکنگز لینا شروع کردی ہیں۔ ویگن آر کی تیسری جنریشن سے توقع ہے کہ بھارت کی آٹوموبائل مارکیٹ میں گزشتہ سالوں کی زبردست فروخت کی وجہ سے ریکارڈ بریکنگ ردعمل حاصل کرے گی۔ صارفین کے پاس بھارت بھر میں منظور شدہ ڈیلرز کے نیٹ ورک کے ذریعے 11,000 بھارتی روپے کی ادائیگی سے نئے ماڈلز کی بکنگ کا آپشن موجود ہے۔ بکنگ آن لائن ذریعے سے بھی کروائی جا سکتی ہے۔ 2019ء میں متعدد اضافی خصوصیات نے اسے آٹوموبائل مارکیٹ میں درپیش مقابلے کے حساب سے نمایاں گاڑی بنا دیا ہے۔ ماروتی سوزوکی تیسری جنریشن کی ویگن آر کو نئے 1.2L (1197cc) انجن کے ساتھ پیش کرے گی جو طاقتور اور کم قیمت کارکردگی فراہم کرے گا۔ ويگن آر پہلے ایک جدید کے-سیریز انجن سے لیس ہے جو زبردست ایندھن بچت اور ہیچ بیکس کے اپنے سلسلے میں خاموش ڈرائیونگ تجربہ پیش کرتے ہیں۔ البتہ اس 1.2L انجن کے ساتھ آٹومیکر نے صارفین کے نئی ویگن آر مع 1.0L (998cc) انجن کے ساتھ خریدنے کا انتخاب بھی چھوڑ دیا ہے۔ 3-سلینڈر 1.0L انجن زیادہ سے زیادہ 90 Nm ٹارک کے ساتھ 67 bhp پیدا کرتا ہے۔ البتہ 1.2L انجن ایک 4-سلینڈر ہیچ بیک ہے جو زیادہ سے زیادہ 113 Nm ٹارک کے ساتھ 82 bhp پیدا کرتا ہے۔

نئی ویگن آر کے اجراء کو کون سی چیز سب سے نمایاں کرتی ہے، وہ ہے اس کی آٹو گیئر شفٹ (AGS) ٹیکنالوجی جو سوزوکی پہلی بار اس ہیچ بیک میں پیش کرے گا۔ دو پیڈل ڈرائیونگ تجربہ اس ماڈل کو عوام میں کہیں زیادہ مقبول بنا دے گا اور فروخت کو کہیں زیادہ بلندیوں تک لے جائے گا۔ مزید برآں، ماروتی سوزوکی ویگن آر کے نئے ماڈل میں جدید ترین اسمارٹ پلے اسٹوڈیو ٹچ اسکرین انفوٹینمنٹ سسٹم بھی پیش کر رہا ہے۔ اس کے علاوہ نیا ماڈل اس اونچے ڈیزئن کو برقرار رکھے گا لیکن گزشتہ ماڈلز کے مقابلے میں زیادہ سیدھا ڈیزائن رکھے گا۔ ایکسٹیریئر میں بہتر ایروڈائنامک شکل کے لیے کچھ خم متوقع ہیں۔ بھارتی سب سے عمدہ ورژن LED ٹیل لیمپس اور الائے ویلز جیسے پریمیئم فیچرز کے ساتھ آئے گا۔ بہترین ویریئنٹ میں ممکنہ طور پر نیویگیشن سسٹم کے ساتھ ساتھ ریئر پارکنگ سینسر اور ریئر ویو پارکنگ کیمرا بھی ہوگا۔

پیش کردہ انجن گنجائش کے مطابق ویگن آر تین ویریئنٹس Lxi، Vxi اور Zxi میں دستیاب ہوگی۔ 1.2L انجن ٹیکنالوجی کے ساتھ ماڈل Lxi، Vxi/Vxi AGS ویریئنٹس دستیاب ہوں گے جبکہ 1.0L انجن ماڈل Vxi، Vxi AGS، Zxi/Zxi AGS ویریئنٹس پر مشتمل ہوگا۔ ان ویریئنٹس کی بہترین رینج اسی ایونٹ کے تحت صارفین کے لیے زیادہ انتخاب پیش کرے گی۔ ویگن آر کا بھارتی ورژن چھ رنگوں میں آئے گا جیسا کہ بھورا، نارنجی، نیلا، سرمئی، نقرئی اور سفید۔ ماڈل 4 سے 5 لاکھ بھارتی روپے میں بکنگز کے لیے دستیاب ہیں اور 23 جنوری 2019ء کو بھارت میں منظر عام پر آئیں گے۔

Pakistani based Wagon R

بھارت میں دوسری جنریشن کی ويگن آر 2010ء میں متعارف کروائی گئی تھی، جو 5-اسپیڈ مینوئل ٹرانسمیشن کے ساتھ 998cc کے انجن سے لیس تھی جو 68 bhp پیدا کرتی ہے اور سیفٹی کے مختلف فیچرز جیسا کہ کی لیس انٹری، کروز کنٹرول اور GPS نیویگیشن کی حامل تھی۔ بھارتی ماڈل آٹومیٹک ویریئنٹ میں بھی دستیاب تھا۔ دوسری جانب پاک سوزوکی نے ابتدائی طور پر 2014ء میں ویگن آر لانچ کی، جو بنیادی سیفٹی اور لگژری فیچرز سے محروم ہے یہاں تک کہ 2019ء میں بھی۔ ہیچ بیک کے عمدہ ترین ماڈل میں اگلی کھڑکیاں پاور ونڈوز کے ساتھ آتی ہیں جبکہ کروز کنٹرول، بلٹ اِن GPS نیوی گیشن سسٹم، ABS یا SRS ایئر بیگز جیسی کوئی ایسی سہولت شامل نہیں جو مسافر کی حفاظت کو یقینی بنائے۔ سوزوکی نے ویگن آر کا فیس لفٹ ماڈل متعارف کروایا جس میں اعلیٰ ترین ویریئنٹ VXL میں صرف الائے رمز اور کروم ٹیل گارنش کا اضافہ کیا گیا۔ پاکستان میں بننے والے ماڈل کا اس وقت بھارت میں بننے والے ماڈل سے کوئی مقابلہ نہیں کیونکہ دونوں پڑوسی ممالک کے درمیان ٹیکنالوجی میں بہت فرق ہے۔ پاکستان میں مشہور ویگن آر کے آٹومیٹک ورژن کو متعارف کروانے کی بھی کوئی امید نہیں۔

پاکستان میں ویگن آر کے نئے ماڈل کے بارے میں آپ کی کیا توقعات ہیں؟ ہمیں تبصروں میں ضرور بتائیے۔ مزید خبروں کے لیے پاک ویلز پر آتے رہیے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.