یاماہا پاکستان اپنی 2019 YB125Z صارفین کے لیے نیلے رنگ میں پیش کرنے کے لیے مکمل طور پر تیار ہے۔
ادارے نے اپنے آفیشل فیس بک پیج پر ایک جھلک پیش کرتے ہوئے صارفین سے کہا ہے کہ وہ ایک زبردست چیز کے لیے تیار رہیں۔ YB125Z اس وقت دو مختلف رنگوں میں دستیاب ہے: سرخ اور سیاہ۔ موٹر سائیکل 4-اسٹروک سنگل سلینڈر ایئر کولڈ انجن سے لیس ہے جس کے ساتھ 5-اسپیڈ ٹرانسمیشن ہے۔ یہ کِک اسٹارٹ اور الیکٹرک-اسٹارٹ دونوں آپشنز رکھتی ہے۔ اس کا کمپریشن ریشو 10.0:1 ہے اور گراؤنڈ کلیئرنس 150 ملی میٹر ہے۔
مزید یہ کہ موٹر سائیکل کا ڈرائی وزن 107 کلوگرام ہے اور اس کی قیمت 1,20,500 روپے ہے۔ موٹر سائیکل کی تصویر نیچے دیکھیں:
کمپنی نے اکتوبر میں YBR 125G نئے میٹالک گرے رنگ میں پیش کی تھی۔ یہ بات قابلِ ذکر ہے کہ یاماہا نے گزشتہ پانچ ماہ میں 10،425 یونٹس فروخت کیے جبکہ گزشتہ سال کے اسی عرصے میں اس نے 8,611 یونٹس بیچے تھے، جو ظاہر کرتا ہے کہ یاماہا موٹر سائیکلوں کی فروخت میں اضافہ ہوا ہے۔
اپنی رائے نیچے تبصروں میں پیش کیجیے۔
