یاماہا YBR 125 G نائٹ فلو ایڈیشن – وہ سب کچھ جو آپ جاننا چاہتے ہیں!


یاماہا موٹر پاکستان 3 سالوں سے کام کر رہا ہے۔ اس وقت میدان میں نئے کھلاڑی کی حیثیت سے یاماہا کو ابتدائی طور پر بہت مشکلات کا سامنا کرنا پڑے کہ جن کا سامنا کمپنی نے بخوبی کیا اور خود پر موجود گوالوں کی موٹر سائیکل کا داغ دھونے میں کامیاب ہو گیا۔ انہوں نے پاکستان میں کافی مختلف موٹر سائیکلیں متعارفکروائیں، ایک اسپورٹی نظر آنے والی موٹر سائیکل اور ایک کراس اوور۔ یاماہا YBR 125 اور یاماہا YBR 125 G کو پاکستانی موٹر سائیکلسٹس کی جانب سے زبردست پذیرائی ملی، جنہیں صرف نئے اسٹیکر لگا کر نئے ماڈل کے نام پر بے وقوف بنایا جاتا رہا ہے۔ یاماہا نے پرانی، ٹو-اسٹروک اور ایک اوسط موٹر سائیکل بنانے والے ادارے کے طور پر ملنے والی بدنامی کا خاتمہ کردیا۔

YBR 125 اور YBR 125 G میں سیٹنگ گنجائش کے حوالے سے عوام کے مسائل کو مدنظر رکھتے ہوئے یاماہا نے اپریل 2017ء میں ایک فیملی موٹر سائیکل YB 125 Z متعارف کروانے کا فیصلہ کیا۔ YBR 125 Z ٹیکنالوجی کے اعتبار سے جدید اور فیول گیج، سیلف اسٹارٹر، گیئر پوزیشن انڈیکیٹر، DC الیکٹریکل اور ایک بیلنسنگ شافٹ جیسے کارآمد فیچرز سے لیس ہے جو اسے ایک اچھی دِکھنے اور کارکردگی پیش کرنے والی موٹر سائیکل کے طور پر عوام کے لیے مناسب آپشن بناتی ہے۔ جون 2018ء میں یاماہا نے YBR 125 اور YBR 125 G دونوں کو فیس لفٹ دیا۔ انہوں نے موٹر سائیکل انجن کو بہتر کارب اور فری فلو ایگزاسٹ سے لیس کیا اور اسے مزید بہتر بنایا۔ انہوں نے دونوں ماڈلز کے لیے نیا ریسنگ بلو رنگ بھی متعارف کروایا کہ جو نوجوانوں میں بہت مقبول ہوا۔

گزشتہ ہفتوں میں ہم نے یاماہا کے آفیشل سوشل اور ڈجیٹل میڈیا پیجز پر کئی ایسے اشارے پائے جن سے کچھ مختلف آنے کی خبر مل رہی ہے۔ یاماہا تجسس پیدا کر رہا تھ، لیکن آفیشل لانچ سے پہلے ہی تصاویر لیک ہوگئیں۔ یاماہا نے ایک “لمیٹڈ ایڈیشن اسپیشل” جاری کیا ہے۔ جی ہاں! آپ نے بالکل ٹھیک سنا ہے، پاکستان کی اوّلین لمیٹڈ ایڈیشن موٹر سائیکل!

ہم نے اس موٹر سائیکل کے بارے میں مزید دریافت کیا اور معلوم ہوا کہ یاماہا نے یہ تحریک MT سیریز سے پائی۔ MT یاماہا کی اسپورٹس بائیک سیریز ہے، جو تمام دیگر مینوفیکچررز کو جاپان کا جواب ہے۔ MT سیریز کو اپنی اسٹائلنگ اور کارکردگی کی وجہ سے بڑے پیمانے پر سراہا جاتا ہے۔ اب ذرا YBR 125 G نائٹ فلو کا رُخ کرتے ہیں۔ یہ موٹر سائیکل “نائٹ فلو” پینٹ رکھتی ہے، جو بذاتِ خود 2017ء کا ایوارڈ یافتہ رنگ ہے۔ موٹر سائیکل شوخ پیلے رنگ کے ڈیکیلز رکھتی ہے اور اسی رنگ کے رم وائنل بھی۔ فرنٹ فینڈر سیاہ رنگ کا ہے (جیسا کہ MT سیریز کی زیادہ تر موٹر سائیکل کا رنگ ہے)۔ ساتھ ہی اس مرتبہ سائیڈ کور بھی ایسے ہی رنگ کا ہے۔ باقی جیسا کہ ہم جانتے ہیں کہ نائٹ فلو ایک 2018ء کی YBR 125 G ہے جو جیٹڈ کاربوریٹر، ایک بہتر ایئر فلٹر، ایک فری فلو ایگزاسٹ اور ایک ری ٹیونڈ انجن جیسے اپگریڈز رکھتی ہے۔

درحقیقت یہ “لمیٹڈ ایڈیشن اسپیشل” ہے اور اعزاز یافتہ رنگ “نائٹ فلو” اسے ایک مختلف موٹر سائیکل بناتا ہے۔ محدود پیمانے پر پیداوار اسے ایک کمیاب موٹر سائیکل بناتی ہے، اور 1000 ایسی موٹر سائیکلیں بنائی جائیں گی۔


Top