پاکستان میں دو لاکھ روپے سے کم میں ملنے والی 150 سی سی موٹر سائیکلیں

992

اگر آپ کم قیمت پر ایک اسپورٹی موٹر سائیکل تلاش کر رہے ہیں تو پھر آپ کو اس فہرست میں موجود 150cc موٹر سائیکلوں میں ضرور دلچسپی ہوگی۔ کچھ عرصہ قبل پاکستان کا موٹر سائیکل سیکٹر اتنا اجھا نہیں تھا اور موٹر سائیکلیں بنانے والے ادارے اسپورٹی اور پرفارمنس بائیکس بنانے میں ہچکچاہٹ کا شکار تھے۔ لیکن اب سب کچھ بدل چکا ہے اور آپ کو مہنگی درآمد شدہ پرفارمنس بائیکس پر انحصار کی ضرورت نہیں۔ اب آپ کہیں کم قیمت پر بھرپور لطف اٹھا سکتے ہیں۔ 

سپر پاورPK 150 آرچی 

پہلی موٹرسائیکل سپر پاور برانڈ کی تیار کردہ ہے۔ آرچی 150سپر پاور اور پیرانی گرو پ کے تعاون سے لانچ کی گئی تھی۔ یہ سنگل-سلنڈر 4-اسٹروک 150cc انجن رکھتی ہے جو ایئر کُولڈ ہے۔ آرچی 150 ایک الیکٹرک اسٹارٹر سسٹم رکھتی ہے ایروڈائنامک اسٹائلنگ اور ڈیزائن پیش کرتی ہے۔ ہیڈ لائٹ اور بیک لائٹ اس موٹر سائیکل کو ایک اسپورٹی اور جارحانہ صورت دیتی ہے۔ یہ موٹر سائیکل ڈسک بریکس کے ساتھ آتی ہے جو اس موٹر سائیکل کو روکنا آسان بناتے ہیں۔ 

آرچی 150 کی قیمت 1,37,000 روپے ہے۔ سپر پاور نے آٹومارکیٹ میں کافی نام بنا لیا ہے اور آرچی 150 مستقبل میں کامیابیوں میں تیار ہے۔ 

روڈ پرنس ویگو 150 

2015ء میں روڈ پرنس نے پاکستان میں ویگو 150 لانچ کی، یہ موٹر سائیکل ایروڈائنامک اسٹائل فیچرز، ڈجیٹل میٹر، اسپورٹی ایگزاسٹ آواز اور ہائیڈرولک شاک بھی رکھتی ہے۔ ویگو 150 بلڈ کوالٹی میں ذرا کمزور ہے جو کہ ہرگز معیاری نہیں ہیں۔ 

البتہ 2 لاکھ روپے کے اندر قیمت دیکھیں تو یہ ان کے لیے کافی اچھی پرفارمنس بائیک ہے جو بھرپور رائیڈ کا لطف اٹھانا چاہتے ہیں۔ روڈ پرنس پاکستان میں پائیدار موٹر سائیکلیں بنانے میں مشہور ہے۔ اس کے علاوہ برانڈ ڈیلرشپ اور سروس سینٹرز کا وسیع جال بھی رکھتا ہے۔ 

یونیک کرَیزر UD-150 

یہ موٹر سائیکل اپریل 2017ء میں لانچ کی گئی تھی اور یہ 150cc انجن کے ساتھ آتی ہے۔ اس بائیک کے ساتھ آنے والے فیچرز میں الائے رِمز، سیلف اسٹارٹ، ڈجیٹل میٹر، ہائیڈرولک لاکس، ڈسک بریکس اور ویٹ کلچ ہیں۔ یہ موٹر سائیکل جاندار ایکسٹیریئر ڈیزائن رکھتی ہے جو اس کی اسپورٹی فطرت کو ظاہر کرتا ہے۔ 

یہ موٹر سائیکل 1,70,000 روپے کی ہے جو اسے کافی مناسب قیمت بناتی ہے۔ یونیک 150 جدید اور موجودہ زمانے کا ڈیزائن رکھتی ہے جو پاکستان میں نوجوان بائیکرز کی توجہ حاصل کرتا ہے۔ اس کی سِیٹ کافی آرام دہ ہے اور آپ کو بہترین پوزیشن دیتی ہے۔ اس کی LED ہیڈ لائٹس طاقتور ہیں اور رات کے وقت بہترین روشنی فراہم کرتی ہیں۔ فیول ٹینک بھی اتنا بڑا ہے کہ آپ کو بار بار پٹرول پمپوں پر رُک کر ایندھن بھروانے کی ضرورت نہیں پڑے گی۔ 

سوزوکی GS 150

سوزوکی GS 150 ملک کی ایک معروف 150cc موٹر سائیکل ہے۔ اس کے نمایاں فیچرز میں سے ایک ہے کہ یہ الیکٹرک اسٹارٹ سسٹم رکھتی ہے۔ یہ موٹر سائیکل 4-اسٹروک سنگل سلنڈر ایئر کُولڈ انجن اور 12 لیٹر کی گنجائش رکھنے والا فیول ٹینک رکھتی ہے۔ آپ 1,82,000 روپے میں یہ موٹر سائیکل خرید سکتے ہیں۔ 

مزید خبروں اور معلوماتی مواد کے لیے آتے رہیے۔ اپنے خیالات نیچے تبصروں میں پیش کیجیے۔

Google App Store App Store
تبصرے