لیمبورگینی ہوراکان اسپائیڈر: ایک مالک کا ریویو

0 2 195

پاک ویلز اپنے قارئین کے لیے لیمبورگینی ہوراکان اسپائیڈر کے ایک مالک کا خصوصی ریویو لایا ہے۔ یہ 2017ء ماڈل پاکستان کی آٹھویں لیمبورگینی اور دوسری لیمبورگینی کنورٹیبل ہے۔

لیمبورگینی ہوراکان اسپائیڈر کا ایکسٹیریئر:

یہ کار فرنٹ پر خصوصی طور پر تیار کردہ وِنگز رکھتی ہے، تاکہ ہوا کو کاٹ سکے، یوں کار اپنی زیادہ سے زیادہ رفتار تک آسانی سے پہنچ پائے۔ یہی وجہ ہے کہ اس کار کا ایروڈائنامک فرنٹ چھوٹا ہے اور پچھلا حصہ نسبتاً چوڑا ہے۔ اس کے علاوہ اس میں فرنٹ پر پارکنگ سینسرز اور ایئر اِن ٹیک وینٹس بھی ہیں۔

اس گاڑی کی ہیڈلائٹس بہت سادہ لیکن خوبصورت ڈیزائن رکھتی ہیں، جو اسے اس کار کے دوسرے ماڈلز سے نمایاں کرتی ہیں۔ دلچسپ بات یہ ہے کہ گاڑی کی ڈِگی فرنٹ پر ہے، جبکہ انجن پچھلے حصے میں ہے۔

 

یہ سپر کار 20-انچ کے الائے ویلز اور دنیا کے بہترین بریکنگ سسٹمز میں سے ایک کے ساتھ آتی ہے۔ اس کے علاوہ آپ بریک کے رنگ اپنی پسند کے مطابق منتخب کر سکتے ہیں۔

اگر آپ پچھلے حصے میں آئیں تو آپ لیمبورگینی کے خاص انداز کے flaps دیکھیں گے۔البتہ اس ماڈل میں فرق انجن کی سیٹنگ کا ہے۔ آپ کوبونٹ کھولنے کے بعد پورا انجن نظر نہیں آ سکتا۔ اس کے علاوہ پچھلے بمپرز میں diffusers لگے ہوئے ہیں تاکہ کشش ثقل (gravity) کو پیچھے چھوڑ سکیں اور ہوا کو منتشر کرکے گاڑی کو زیادہ سے زیادہ رفتار پانے میں مدد دے سکیں۔

انٹیریئر:

کار کی تقریباً تمام ہی hexagon یعنی شش پہلو صورت میں ہیں، اس کی وجہ ہے پارٹس کا کاربن فائبر سے بننا اور کاربن فائبر کا ایٹمی نمبر 6 ہے، شش پہلو صورت کی یہی وجہ ہے۔ یہ کار تین ڈرائیونگ موڈز رکھتی ہے مثلاً اسٹینڈرڈ ڈرائیو کے لیے اسٹراڈا (Strada)، پھر اسپورٹ اور آخر میں ٹریک ریس کے لیے کورسا (Corsa)۔

تمام فیچرز اور خصوصیات اسٹیئرنگ کے پیچھے موجود اسکرین پر نمایاں ہیں۔ آپ اسپیڈ، انٹرٹینمنٹ آپشنز، گاڑی کی اونچائی (height) اور ڈرائیونگ کے موڈز دیکھ سکتے ہیں۔

انڈی کیٹرز، ہیڈلائٹس، موڈ کنٹرول اور وائپرز کے لیے بٹن اسٹیئرنگ میں ہیں۔

تمام فیچرز اور خصوصیات اسٹیئرنگ کے پیچھے موجود اسکرین پر نمایاں ہیں۔ آپ اسپیڈ، انٹرٹینمنٹ آپشنز، گاڑی کی اونچائی (height) اور ڈرائیونگ کے موڈز دیکھ سکتے ہیں۔

انڈی کیٹرز، ہیڈلائٹس، موڈ کنٹرول اور وائپرز کے لیے بٹن اسٹیئرنگ میں ہیں۔

کونسول میں چھت کے لیے بٹن بھی شامل ہے۔ چھت صرف 6 سیکنڈوں میں مکمل طور پر کھل جاتی یا بند ہو جاتی ہے۔

لیمبورگینی ہوراکان اسپائیڈر کے AC کی پرفارمنس:

‏AC سسٹم بھی سینٹرل کونسول میں ہے۔ مالک کے مطابق AC کی پرفارمنس شاندار ہے، چاہے چھت نیچے ہی کیوں نہ ہو۔ AC کی آواز ذرا زیادہ ہے لیکن کولنگ بہترین ہے۔

آڈیو سسٹم:

آپ کونسول کے ذریعے پورے آڈیو اور ساؤنڈ سسٹم کو کنٹرول کر سکتے ہیں۔ سسٹم میں بلوٹوتھ کنیکٹیوٹی، ریڈیو، نیوی گیشن، مینو اور دوسرے آپشنز ہیں۔

ہائٹ کنٹرول آپشن:

کار کا ایک دلچسپ فیچر اس کا ہائٹ کنٹرول ہے۔ آپ کونسول پر ایک بٹن دبا کر اسے بڑھا سکتے ہیں۔ یہ فیچر پاکستانی سڑکوں پر اسپیڈ بریکرز یا سڑکوں پر موجود گڑھوں میں گاڑی کی انڈرباڈی ٹکرائے بغیر اسے ڈرائیو کرنا ممکن بناتا ہے۔ البتہ 60 کلومیٹرز فی گھنٹہ کی رفتار کے بعد یہ کار اپنی اصل height پر واپس آ جاتی ہے تاکہ کار کی اسٹیبلٹی اور ٹریکشن کو بڑھایا جا سکے۔

لیمبورگینی ہوراکان اسپائیڈر کا انجن:

یہ کار 5.8L کا V10 انجن رکھتی ہے، جو اسے ایک تیز سپر کار بناتا ہے۔

ڈرائیونگ تجربہ:

کمپنی نے اس کار کی ایروڈائنامکس کو اس شکل میں تیار کیا ہے کہ آپ کو باہر کی آواز نہیں سنائی دے گی، یہاں تک کہ کھلی چھت کے ساتھ بھی۔ اس کے علاوہ اگر آپ بارش میں گاڑی چلا رہے ہیں تو چھت کھول کر بھی 60 کلومیٹرز فی گھنٹہ سے زیادہ کی رفتار پر پانی گاڑی میں داخل نہیں ہوگا۔

ڈرائیور کے مطابق پاکستانی سڑکوں پر اس کار کی ڈرائیو بہت ہموار ہے، خاص طور پر اسٹراڈا موڈ میں۔ مالک نے کہا کہ «آپ کو اسپورٹس موڈ پر گاڑی چلاتے ہوئے بہت احتیاط کرنا ہوگی کیونکہ یہ اسٹیبلٹی کو متاثر کرے گی۔ اس کار کی رفتار پکڑنے اور رفتار گھٹنے کی کارکردگی بہت عمدہ ہے۔

مالک نے ہمیں بتایا کہ انہوں نے یہ کار خریدنے کے بعد انگلینڈ میں چلائی تھی۔ انہوں نے کہا کہ «میں نے اسے 280 کلومیٹرز فی گھنٹہ کی رفتار تک چلایا، لیکن کار کی اسٹیبلٹی کی وجہ سے ایسا لگتا تھا کہ 180 کلومیٹرز فی گھنٹہ پر چل رہی ہے۔»

انہوں نے مزید کہا کہ انہوں نے یہ کار تقریباً 600کلومیٹرز چلائی، جو پاکستانی سڑکوں پر کافی زیادہ ہے۔ انہوں نے کہا کہ «میں اس کار کو روزانہ استعمال کر رہا ہوں اور اب تک کسی مسئلے کا سامنا نہیں کیا۔»

مالک کے مطابق پاکستان میں اس کار کو رکھنا بہت اچھا لگتا ہے کیونکہ لوگ اس کی شکل و صورت کو پسند کرتے ہیں اور تعریف کرتے ہیں۔

رنگ کی پسند:

عام طور پر لیمبورگینی کے شوخ رنگ جیسا کہ پیلا، شوخ ہرا اور لال بہت مشہور ہیں؛ لیکن مالک نے یہ کالے رنگ میں لی۔ انہوں نے کہا کہ «مجھے کاروں کے شوخ رنگ پسند نہیں ہیں، اور میرے خیال میں کالا رنگ اس کار کو بہترین شکل دیتا ہے۔»

لیمبورگینی ہوراکان اسپائیڈر 0 سے 100 کی رفتار تک:

یہ کار صرف 4.23 سیکنڈز میں 0 سے 100 کلومیٹرز فی گھنٹہ کی رفتار پر پہنچ جاتی ہے۔

وڈیو دیکھیں:

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.