اب سندھ میں بھی گاڑیوں کے مالکان آن لائن ٹیکس ادا کر سکیں گے!

0 1 598

پنجاب اور اسلام آباد کے اقدامات کے بعد حکومتِ سندھ نے بھی گاڑیوں کے مالکان کے لیے آن لائن ٹیکس پیمنٹ سروس شروع کر دی ہے۔ ایکسائز، ٹیکسیشن اینڈ نارکوٹکس کنٹرول (ETNC) کا کہنا ہے کہ اس سہولت سے صرف پرائیوٹ اور کمرشل گاڑیوں کے رجسٹرڈ مالکان ہی فائدہ اٹھا سکتے ہیں۔

میڈیا سے بات کرتے ہوئے DG ایکسائز سندھ شعیب صدیقی نے کہا کہ اس سسٹم کے ذریعے گاڑیوں کے مالکان 24 گھنٹے میں کسی بھی وقت اپنے ٹیکس ادا کر سکتے ہیں۔ انہوں نے کہا کہ «ساتھ ہی اس سے ڈپارٹمنٹ کو اضافی 20 فیصد ریونیو بھی ملے گا۔»

ڈائریکٹر جنرل نے کہا کہ صارفین ٹیکس ATM کیوسک، ڈپارٹمنٹ کے آفیشل ویب پورٹل، ایزی پیسہ موبائل ایپلی کیشن اور انٹربینک ویب پورٹل کے ذریعے ادا کر سکیں گے۔ انہوں نے مزید کہا کہ «جلد ہی جَیز کیش کے ذریعے بھی ٹیکس کی ادائیگی ہو سکے گی۔»

Online tax

شعیب صدیقی نے کہا کہ کار مالکان کو اپنے ٹیکس ادا کرنے کے لیے ایکسائز آفس آنے کی ضرورت نہیں۔ ڈپارٹمنٹ کا نوٹیفکیشن کہتا ہے کہ حکومت نے ETNC ڈپارٹمنٹ میں طویل قطاروں اور رش سے بچنے اور عوام کو دفتروں کے چکر لگانے کے جھنجھٹ سے آزاد کرنے کے لیے یہ قدم اٹھایا ہے۔

سندھ بایومیٹرک سسٹم:

اس کے علاوہ حکومت سندھ نے گاڑیوں کی چوری روکنے کے لیے ایک بایومیٹرک سسٹم لانچ کرنے کا بھی اعلان کیا ہے۔ اس سسٹم کے تحت گاڑیوں کی خرید و فروخت نیشنل ڈیٹا بیس اینڈ رجسٹریشن اتھارٹی (نادرا) سے منسلک کی جائے گی۔

حکومت کا کہنا ہے کہ گاڑیوں کے مالکان کو اپنی گاڑی خریدنے کے ایک مہینے کے اندر رجسٹر کروانا ہوگی۔

ایکسائز ڈپارٹمنٹ کا کہنا ہے کہ اس سسٹم کے ذریعے حکومت گاڑیوں کی خرید و فروخت کا ریکارڈ ترتیب دے گی۔ ڈپارٹمنٹ کا کہنا ہے کہ «یوں حکومت کسی بھی مشتبہ سرگرمی کی صورت میں گاڑی کو سراغ لگا سکتی ہے۔»

اس سے پہلے جولائی میں صوبائی حکومت نےکیمرا ریڈ ایبل رجسٹریشن نمبر پلیٹس لانچ کی تھیں۔ ڈائریکٹر جنرل ایکسائز، ٹیکسیشن اینڈ نارکوٹکس ڈپارٹمنٹ شعیب صدیقی نے کہا کہ ان پلیٹس میں تمام جدید سکیورٹی فیچرز موجود ہیں۔

میڈیا سے بات کرتے ہوئے شعیب صدیقی نے کہا کہ رجسٹریشن پلیٹس نیشنل ریڈیو اینڈ ٹیلی کمیونی کیشنز (NRTC) کے تعاون سے بنائی جائیں گی۔ انہوں نے کہا کہ «وہ گاڑیوں کو ٹریک کرنے اور کیمرے کے ذریعے ڈیٹا حاصل کرنے کو آسان بنانے میں مدد دیں گے۔»

 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.