ٹویوٹا یارِس جی ایل آئی 1.3 ایم ٹی بمقابلہ ٹویوٹا کرولا ایکس ایل آئی 1.3 ایم ٹی: ایک مختصر تقابل!

58 563

بالآخر نئی ٹویوٹا یارِس منظرِ عام پر آ گئی ہے۔ یہاں یہ امر قابلِ ذکر ہے کہ اس گاڑی کی بکنگ 19 مارچ سے شروع ہو چکی ہے۔ البتہ کروناوائرس کی وجہ سے کمپنی آئندہ دنوں میں اس گاڑی کی محض سافٹ لانچ ہی کرے گی۔

ٹویوٹا یارِس ٹویوٹا کرولا کے مشہورِ زمانہ 1.3-لیٹر ویرینٹ کی جگہ آئی ہے اور یہ دیکھنا دلچسپ ہوگا کہ نئی گاڑی کیسی کارکردگی پیش کرتی ہے۔ ٹویوٹا نے مقامی مارکیٹ میں نئی یارِس کے لیے جگہ بنانے کی خاطر کرولا کے XLi اور GLi ویرینٹس بند کر دیے ہیں۔ ٹویوٹیا یارِس چھ مختلف ویرینٹس میں متعارف کروائی جا رہی ہے کہ جن کا انحصار انجن کی گنجائش پر ہے۔ اس تحریر میں ہم دیکھیں گے کہ یارِس کا نیا بنیادی ویرینٹ ٹویوٹا کرولا کی پرانی XLi کے مقابلے میں کیسا ہے۔ اس کے علاوہ یہ ہونڈا سٹی 1.3L i-VTEC MT اور سوزوکی سیاز 1.3L MT کا براہِ راست مقابلہ کرے گی۔ 

تو آئیے بغیر وقت ضائع کیے ٹویوٹا یارِس GLi 1.3 MT اور ٹویوٹا کرولا XLi 1.3 MT کا تقابل کرتے ہیں۔ 

انجن اور کارکردگی: 

ٹویوٹا یارِس 4-سلنڈر اِن-لائن 16 والو DOHC مع VVT-I 1329cc 1NR-FE انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر زیادہ سے زیادہ 98 hp اور 4200 RPM پر 123 Nm کا زیادہ سے زیادہ ٹارک پیدا کر سکتا ہے۔ یارِس 5-اسپیڈ مینوئل ٹرانسمیشن سے لیس ہے۔ 

دوسری جانب کرولا XLi 1.3-لیٹر MT ایک واٹر-کُولڈ 4-سلنڈر اِن-لائن 16-والو DOHC کے حامل VVT-I 2NZ-FE 1299 cc انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر 84 hp اور 4400 RPM پر 121 Nm کا زیادہ سے زیادہ ٹارک پیدا کرتا ہے۔ یہ 5-اسپیڈ فارورڈ سنکرو-میش مینوئل ٹرانسمیشن سے لیس ہے۔ 

بریک اور سسپنشن: 

ٹویوٹا یارِس وینٹی لیٹڈ ڈِسک بریکس اگلے پہیوں میں اور ڈرم بریکس پچھلے حصے میں ہیں۔ بہترین بریکنگ تجربے کے لیے کمپنی نے ABS بھی فراہم کیا ہے۔ یارِس کا فرنٹ سسپنشن میک فرسٹ اسٹرٹ سے لیس ہے، جبکہ پچھلا سسپنشن ٹورشن بیم کا حامل ہے۔ 

دوسری جانب ٹویوٹا کرولا فرنٹ میں وینٹی لیٹڈ ڈسک بریکس اور پچھلے پہیوں میں سولڈ ڈسک بریکس رکھتی ہے۔ البتہ ٹویوٹا کرولا کا سسپنشن یارِس جیسا ہی ہے۔ 

پیمائش اور گنجائش: 

یارِس کی لمبائی اور چوڑائی بالترتیب 4425 ملی میٹر اور 1730 ملی میٹر ہے۔ بلندی کے معاملے میں یہ کار 1475 ملی میٹر اونچی ہے۔ ٹویوٹا یارِس کا ویل بیس اور کم از کم ٹرننگ ریڈیئس 2250 ملی میٹر اور 5.1 میٹر ہیں۔ لگیج کمپارٹمنٹ 476 لیٹر کی گنجائش رکھتا ہے جبکہ فیول ٹینک 42 لیٹر تک ایندھن محفوظ رکھ سکتا ہے۔ 

اس کے مقابلے میں ٹویوٹا کرولا XLi کُل 4620 ملی میٹر کی لمبائی رکھتی ہے، جبکہ اس کی چوڑائی اور اونچائی بالترتیب 1775 ملی میٹر اور 1475 ملی میٹر ہے۔ اس گاڑی کا وِیل بیس اور کم از کم ٹرننگ ریڈیئس بالترتیب 2700 ملی میٹر اور 5.4 میٹر ہیں۔ یہ 470 لیٹر کا لگیج کمپارٹمنٹ اور 55 لیٹر کا فیول ٹینک رکھتی ہے۔ 

ایکسٹیریئر: 

ٹویوٹا یارِس باہر سے ایک اسٹائلش اور خوبصورت گاڑی ہے۔ اگلے حصے میں یہ ایک 4-بیم ہیلوجن لیمپ ہیڈلائٹ رکھتی ہے جبکہ اس ویریئنٹ میں ڈے ٹائم رننگ لیمپس نہیں ہیں۔ یہ ایک فرنٹ ریڈی ایٹر گرِل رکھتی ہے۔ یارِس کے اس ویرینٹ میں کوئی فوگ لیمپ نہیں ہے۔ اس میں دروازوں کے بیرونی ہینڈلز باڈی کی رنگت کے ہی ہیں اور سائیڈ وِیو مررز کے اندر سائیڈ ٹرن سگنلز بھی لگے ہوئے ہیں۔ وِنڈ شیلڈ سبز رنگ کی تہہ رکھتی ہے اور فرنٹ وِنڈ اسکرین intermittent وائپرز کی حامل ہے۔ پچھلے حصے میں ایک شارٹ پول انٹینا ہے۔ اس کے نیچے ریئر کمبی نیشن لیمپس کے درمیان ایک ریئر کروم گارنِش ہے۔ خوبصورت شکل و صورت کے لیے آٹومیکر نے ریئر لیمپس میں LED لائن گائیڈ اور ریئر بمپر کے نچلے حصے پر ایک رفلیکس رفلیکٹر دیا ہے۔ کمپنی کی جانب سے اسٹینڈرڈ ٹائر سائز 185/60 R15 دیا گیا ہے اسٹیل وِیلز اور فُل ویل کیپس کے ساتھ۔

نئی یارِس کئی لحاظ سے کرولا ماڈل سے ملتی جلتی ہے۔ ٹویوٹا کرولا کا بنیادی XLi ماڈل ہیلوجن ہیڈلیمپس کے ساتھ ایک جزوی کروم فرنٹ ریڈی ایٹر گرِل کے ساتھ آتا ہے۔ اس کے اس مخصوص ویرینٹ میں بھی DRLs یا فوگ لیمپس نہیں ہیں۔ البتہ بیرونی دروازوں کے ہینڈلز باڈی کی رنگت کے ہی ہیں جبکہ سائیڈ ویوو مررز میں ٹرن سگنلز بھی لگے ہوئے ہیں۔ کرولا کی وِنڈ شیلڈ laminated ہے اور یہ intermittent وِنڈ شیلڈ وائپرز رکھتی ہے۔ یہ ایک گلاس embedded انٹینا کی حامل ہے اور اس کے ساتھ کروم ریئر گارنِش فراہم کی گئی ہے۔ کرولا XLi کا اسٹینڈرڈ ٹائر سائز 195/65 R15 ہے، اسٹیل وِیلز اور فُل ویل کیپس کے ساتھ۔

انٹیریئر: 

یارِس کا انٹیریئر کشادہ اور اسٹائل میں حیرت انگیز لگتا ہے۔ اس کی کپڑے کی نشستیں ivory رنگ کی ہے جو دو رنگوں کے انٹیریئر میں خوب جچتی ہیں۔ یارِس کے انٹیریئر کی دیگر اہم خصوصیات یہ ہیں:

  • مینوئلی کنٹرولڈ ایئر کنڈیشنر + ہیٹر 
  • ملٹی انفارمیشن ڈسپلے
  • بیرونی درجہ حرارت کا ڈسپلے
  • اینالوگ اسپیڈومیٹر
  • ٹیکومیٹر
  • ریموٹ ٹرنک اوپنر 
  • 3-اسپوک ٹِلٹ-ایڈجسٹ ایبل اسٹیئرنگ وِیل
  • پیچھے 3 الگ الگ ہیڈ ریسٹس 
  • روشن اِنٹری سسٹم
  • پاور وِنڈوز
  • Ivory رنگت کا انٹیریئر
  • کپڑے سے بنی ڈور ٹرِم ornament 
  • اسٹینڈرڈ گیئر شفٹ لیور 
  • رنگین اِن سائیڈ ڈور ہینڈلز
  • فلور میٹس
  • سن وائزرز 
  • فرنٹ پرسنل اور رُوم لیمپ
  • Vanity آئینہ (ڈرائیور + مسافر) 
  • سینٹر کونسول باکس 
  • 12V پاور آؤٹ لیٹ
  • ڈجیٹل کلاک

دوسری جانب ٹویوٹا کرولا کا انٹیریئر اسی رنگت میں آتا ہے جیسا نئی یارِس کا ہے۔ اس کے کیبن میں متعدد فیچرز ہیں جیسا کہ: 

  • مینوئلی کنٹرولڈ ایئر کنڈیشنر + ہیٹر 
  • کومپیکٹ LCD ملٹی-انفارمیشن ڈسپلے
  • بیرونی درجہ حرارت کا ڈسپلے
  • اینالوگ اسپیڈومیٹر مع کروم 
  • ٹیکومیٹر
  • 3-اسپوک ٹِلٹ اینڈ ٹیلی اسکوپک ایڈجسٹ ایبل اسٹیئرنگ وِیل 
  • کپڑے کی سیٹیں
  • پچھلے حصے میں تین علیحدہ ہیڈ ریسٹس 
  • روشن اِنٹری سسٹم
  • پٹ سن کی رنگت کا انٹیریئر
  • کپڑے سے بنی ڈور ٹرِم سیاہ گرِپس کے ساتھ
  • فلور میٹس
  • فرنٹ پرسنل اور رُوم لیمپ 
  • سن وائزرز
  • سینٹر کونسول باکس (2-ٹیئر لِڈ کے ساتھ) 
  • 12 V پاور آؤٹ لیٹ
  • ڈجیٹل کلاک

ٹویوٹا یارِس کی بہترین چیز اس کے سیفٹی اور سکیورٹی فیچرز ہیں، جو مارکیٹ میں موجود دیگر مقابل گاڑیوں کے مقابلے میں کہیں زیادہ ہیں۔ یارِس کے تمام 6 ویریئنٹس ایک جیسے اسٹینڈرڈ سیفٹی اور سکیورٹی فیچرز رکھتی ہیں۔ آئیے ان پر ایک نظر ڈالتے ہیں:

  • سینٹرل ڈور لاکنگ
  • ABS+EBD
  • SRS ایئربیگز (ڈرائیور + مسافر) 
  • کِی ریمائنڈر وارننگ
  • ہِل-اسٹارٹ اسسٹ سسٹم
  • وہیکل اسٹیبلٹی کنٹرول (VSC) مع ٹریکشن کنٹرول
  • فل آٹو کَٹ 
  • اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
  • پچھلے حصے میں 3-پوائنٹ ELR کے ساتھ 3 سیٹ بیلٹس 
  • ISOFIX چائلڈ سیٹ اینکرز
  • چوری سے بچانے کے لیے سسٹم اموبیلائزر کے ساتھ 
  • لائٹ ریمائنڈر وارننگ
  • ہائی ماؤنٹ اسٹاپ لیمپ

ٹویوٹا کرولا بھی متعدد سکیورٹی اور سیفٹی فیچرز سے بھی ہے جیسا کہ: 

  • SRS ایئر بیگز (ڈرائیور + مسافر) 
  • اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
  • پچھلے حصے میں 3-پوائنٹ ELR کے ساتھ 3 سیٹ بیلٹس 
  • ISOFIX چائلڈ سیٹ اینکرز
  • اموبیلائزر 
  • لائٹ ریمائنڈر وارننگ
  • وہیکل اسٹیبلٹی کنٹرول (VSC) 
  • GOA باڈی کرمپل زونز کے ساتھ 

انٹرٹینمنٹ فیچرز: 

آٹومیکر نے یارِس میں 3 لائنز LCD ڈسپلے کے ساتھ ایک اِن-ڈیش آڈیو سسٹم فراہم کیا ہے۔ یہ جدید بلوٹوتھ کا کنیکٹیوِٹی فیچرز بھی پیش کرتا ہے کہ جس میں 2 فونز، ہینڈز فری اور 5 فونز تک سے زبرست میوزک اسٹریمنگ شامل ہے۔ یہ MP3، CD پلیئر اور ریڈیو کے ساتھ ساتھ USB اور AUX کنیکٹیوِٹی فیچرز بھی رکھتی ہے۔ آٹو مینوفیکچرر کی جانب سے گاڑی میں 2 اسپیکرز دیے گئے ہیں۔

ٹویوٹا کرولا بنیادی اِن-ڈیش سسٹم کے ساتھ آتی ہے کہ جو بنیادی طور پر 2 اسپیکرز کے ساتھ MP3، ریڈیو، USB اور AUX کنیکٹیوِٹی دیتا ہے۔

قیمت

ختم ہوتی ہوئی ٹویوٹا کرولا XLi اور آنے والی یارِس کے درمیان قیمت کا فرق بہت ہی متاثر کُن ہے۔ قیمت کے معاملے میں یہ دونوں گاڑیاں مقامی مارکیٹ میں اِن ایکس-فیکٹری قیمتوں پر دستیاب ہیں: 

  • ٹویوٹا یارِس GLi 1.3 MT: 23,49,000 روپے (تعارفی قیمت) 
  • ٹویوٹا کرولا XLi 1.3 MT: 25,19,000 روپے

آٹومیکر نے نئی یارِس سیڈان مقامی مارکیٹ میں ایک زبردست قیمت پر متعارف کروائی ہے۔ یہ بنیادی طور پر پاکستان میں ہونڈا سٹی کا مقابلہ کرے گی۔ البتہ کمپنی نے اسے تعارفی قیمت قرار دیا ہے، جس کا مطلب ہے کہ لانچ کے بعد کچھ ہی عرصے میں اسے بڑھایا جائے گا۔

بہرحال، ٹویوٹا کے پکّے صارفین تو پاکستان میں یارِس کے آغاز کا سن کر بہت خوش ہیں۔ کیا یہ گاڑی مارکیٹ میں ویسی ہی دھاک بٹھانے میں کامیاب ہو پائے گی جیسی کرولا کے 1.3-لیٹر ویریئنٹس کئی سال تک جمائے رہے۔ یہ جاننے کے لیے ہمیں انتظار کرنا ہوگا!

ٹویوٹا یارِس GLi 1.3 MT کی مکمل تفصیلات اور خصوصیات جاننے کے لیے یہاں دیکھیں

آپ IMC کی نئی گاڑی کو کس نگاہ سے دیکھتے ہیں؟ ہمیں نیچے تبصروں میں بتائیے اور مقامی مارکیٹ میں مقابل گاڑیوں کے ساتھ یارِس کے تقابل کے مزید بلاگز کے لیے آتے رہیے۔ 

Google App Store App Store
تبصرے