ٹویوٹا یارِس نے ہونڈا سٹی/سوِک کی مجموعی فروخت کو بھی پیچھے چھوڑ دیا
حال ہی میں لانچ ہونے والی ٹویوٹا انڈس موٹرز کی گاڑی یارِس نے اکتوبر کے مہینے میں ہونڈا سوِک اور سٹی کی مجموعی فروخت کو بھی پیچھے چھوڑ دیا ہے۔ PAMA کی تازہ ترین رپورٹ کے مطابق ٹویوٹا نے پچھلے مہینے یارِس کے 3,058 یونٹس فروخت کیے، جبکہ سوِک اور سٹی کے 1,858 یونٹس فروخت ہوئے۔
اس کے علاوہ یارِس نے رواں مالی سال کے دوران بھی سوِک اور سٹی سے بہتر سیلز ظاہر کی ہیں۔ رپورٹ بتاتی ہے کہ یارِس کے 9,067 یونٹس سڑکوں پر آئے ہیں، جبکہ 8,341 سٹی اور سوِک گاڑیاں ڈیلرشپس سے نکلی ہیں۔
یارِس کی زیادہ فروخت ٹویوٹا کی سیلز میں زبردست اضافے کی اہم وجہ ہے، کیونکہ کمپنی نے سال بہ سال کی بنیاد پر 120 فیصد کا اضافہ دیکھا ہے۔
IMC نے یارِس اِس سال مارچ میں لانچ کی تھی، لیکن کووِڈ-19 لاک ڈاؤن کی وجہ سے اس کو فروخت نہیں کر پایا۔ حکومت کی جانب سے پابندیاں ہٹائے جانے کے بعد اس گاڑی کی فروخت میں مسلسل اضافہ دیکھنے میں آیا ہے۔ یہ سیڈان IMC کے لیے ایک زبردست ہٹ گاڑی ثابت ہوئی ہے۔
یارِس کے فیچرز:
IMC نے یہ گاڑی 1300cc اور 1500cc انجن displacement میں لانچ کی ہے۔ ان ویرینٹس کی موجودہ قیمت 25,09,000 روپے سے لے کر 29,99,000 روپے تک ہے۔
ایکسٹیریئر:
ٹویوٹا یارِس 2020 کا ایکسٹیریئر ایک منفرد اور امتیازی ڈیزائن انداز رکھتا ہے۔ فرنٹ اینڈ پر ہموار پتلی سی اوپر کی جانب گھومی ہوئی ہیڈلائٹس، کروم جھلک رکھنے والی ایک چھوٹی گرِل اور فرنٹ بمپر پر ایک بڑا trapezium ایئر اِن ٹیک موجود ہیں۔ اس کے علاوہ پچھلا حصہ trapezium اسٹائل کی سائیڈز کو گھومی ہوئی ٹیل لائٹس اور ایک horizontal کروم ٹرِم رکھتا ہے جو اسٹینڈرڈ کیس ٹیل گیٹ کی پوری لمبائی پر نظر آتا ہے۔
انٹیریئر:
یارِس 2020 کا انٹیریئر کالے اور چمکیلے سلوَر ٹرِم حصے رکھتا ہے۔ اگلی اور پچھلی سیٹیں کپڑے کی ہیں۔ اسٹینڈرڈ فیچرز میں ایئرکنڈیشننگ، 6 ایئربیگز، کپ ہولڈرز، پاور لاک ڈورز، پاور اسٹیئرنگ، پاور ونڈوز، ٹیکومیٹر اور اسٹیریو اسپیکر آڈیو سسٹم شامل ہیں۔ اس کے علاوہ بہتر U ویرینٹ کے فیچرز میں پاور ایڈجسٹ ایبل مررز، فرنٹ فوگ لائٹس اور ہیٹڈ فرنٹ سیٹس بھی شامل ہیں۔ سیٹیلائٹ نیوی گیشن، کلائمٹ کنٹرول، لیدر upholstery، پاور ڈور مررز، کروز کنٹرول، زینون ہیڈلائٹس اور ریئر فوگ لیمپس کے آپشنز شامل ہیں۔
مزید ریویوز، ویوز اور اپڈیٹس کے لیے پاک ویلز بلاگ پر آتے رہیں۔
