فیڈرل بورڈ آف ریونیو (ایف بی آر) نے موٹر سپرِٹ پر 10 فیصد ریگولیٹری ڈیوٹی عائد کر دی ہے۔ موٹر سپرِٹ کو کسی حد تک پیٹرول کا ہی ایک جُز کہا جا سکتا ہے جو کہ بنیادی طور پر انٹرنیشنل کمبسشن انجن میں فیول کے طور پر استعمال ہوتا ہے۔ اتھارٹی کے مطابق یہ نوٹیفکیشن 30 جون 2022 تک نافذ العمل رہے گا۔
نوٹیفکیشن کے مطابق کسٹمز ایکٹ 1969 کے سیکشن 18 کی ذیلی دفعہ (3) کے ذریعے حاصل کردہ اختیارات کے تحت وفاقی حکومت نے موٹر اسپرٹ کی درآمد پر 10 فیصد کی شرح سے ریگولیٹری ڈیوٹی عائد کی ہے۔ پی سی ٹی کوڈ 2710.1210)۔
نوٹیفکیشن میں مزید کہا گیا ہے کہ موٹر اسپرٹ کی درآمدات جہاں 10 فیصد کی شرح سے کسٹم ڈیوٹی ادا کی جاتی ہے، اس ریگولیٹری ڈیوٹی سے مستثنیٰ ہوں گے۔
میڈیا رپورٹس کے مطابق ریگولیٹری ڈیوٹی میں اس اضافے کے بعد ریٹیلر ٹیرف پر نظرثانی کا مطالبہ کریں گے اور ہڑتال پر جا سکتے ہیں۔
